HbA1C పరీక్ష మరియు మధుమేహం

 HbA1C పరీక్ష అంటే ఏమిటి?

A1C పరీక్ష అనేది గత 3 నెలలుగా ఒక వ్యక్తి యొక్క రక్తంలోని చక్కెర అని కూడా పిలువబడే A1C పరీక్షను కొన్నిసార్లు హిమోగ్లోబిన్ A1C, HbA1c, లేదా  గ్లైకోహిమోగ్లోబిన్ పరీక్ష అని అంటారు.రక్తంలోని గ్లూకోజ్ యొక్క  సగటు స్థాయిల గురించి సమాచారం అందించే ఒక రక్త పరీక్ష. A1C పరీక్ష అనేది మధుమేహం నిర్వహణ మరియు మధుమేహం పరిశోధన కోసం ఉపయోగించే ప్రాధమిక పరీక్ష.

A1C పరీక్ష ఎలా పనిచేస్తుంది?

A1C పరీక్ష ఆక్సిజన్ ను చేరవేసే ఎర్ర రక్త కణాలలో వుండే ప్రోటీన్ అయిన హిమోగ్లోబిన్ కు గ్లూకోజ్ యొక్క అటాచ్మెంట్ మీద ఆధార పడుతుంది. శరీరంలో ఎర్ర రక్త కణాలు నిరంతరం ఏర్పడుతుంటాయి మరియు మరణిస్తుంటాయి, కానీ సాధారణంగా అవి సుమారు 3 నెలలు నివసిస్తాయి. అందువలన, ఒక వ్యక్తి యొక్క రక్తంలోని గ్లూకోజ్ స్థాయిల గత 3 నెలల సగటును A1C పరీక్ష ప్రతిబింబిస్తుంది. A1C పరీక్ష ఫలితం ఒక శాతం వలె నివేదించబడింది. శాతం ఎంత ఎక్కువ అయితే  ఒక వ్యక్తి యొక్క రక్తంలోని గ్లూకోజ్ స్థాయిలు అంత ఎక్కువ ఉండేవి. ఒక సాధారణ A1C స్థాయి 5.7 శాతం క్రింద ఉంటుంది.

టైప్ 2 మధుమేహం మరియు ప్రీడయాబెటస్ నిర్ధారణకు A1C పరీక్షను ఉపయోగించవచ్చా?

అవును. 2009 లో, ఒక అంతర్జాతీయ నిపుణుల కమిటీ టైప్ 2 మధుమేహం మరియు ప్రీడయాబెటస్ ను నిర్ధారించేందుకు సహాయం చేయడానికి అందుబాటులో గల పరీక్షలలో ఒకటిగా A1C పరీక్షను సిఫార్సు చేసింది. గతంలో, సాంప్రదాయక రక్తంలోని గ్లూకోజ్ పరీక్షలు మాత్రమే మధుమేహం మరియు ప్రీడయాబెటస్ ను నిర్ధారించడానికి ఉపయోగించబడేవి.

A1C పరీక్షకు ఉపవాసం అవసరం లేదు మరియు పరీక్ష కోసం రక్తాన్ని రోజులో ఏ సమయంలోనైనా తీసుకోవచ్చు, కాబట్టి దాని యొక్క సౌలభ్యం ఎక్కువ మంది పరీక్షలు చేసుకోవడానికి అనుమతిస్తుంది – తద్వారా, రోగనిర్ధారణ జరగని మధుమేహం ఉండే వారి సంఖ్య తగ్గుతుంది అని నిపుణులు ఆశిస్తున్నారు. అయితే, కొన్ని వైద్య సంస్థలు నిర్ధారణ కోసం రక్త గ్లూకోజ్ పరీక్షలను ఉపయోగించడాన్ని సిఫార్సు చేయడం కొనసాగిస్తాయి.

ఒక వ్యక్తి మధుమేహం కొరకు ఎందుకు పరీక్ష చేయించుకోవాలి?

టెస్టింగ్ ప్రత్యేకించి ముఖ్యమైనది ఎందుకంటే, వ్యాధి తొలి దశలో, మధుమేహం ఏ విధమైన లక్షణాలను కలిగి వుండదు. ఏ పరీక్ష కూడా సమగ్రమైనది కాన్నప్పటికీ, ఒక తీవ్రమైన మరియు జీవితకాల వ్యాధి అయిన మధుమేహాన్ని కనుగొనడానికి, A1C మరియు రక్తం గ్లూకోజ్ పరీక్షలు అందుబాటులో వున్న ఉత్తమ సాధనాలు.

సమస్యలు ఏర్పడే ముందు మధుమేహాన్ని కనుగొని చికిత్స చేయడానికి మరియు టైప్ 2 మధుమేహాన్ని ఆలస్యం చేయగల లేదా అభివృద్ధి కాకుండా నిరోధించగల ప్రీడయాబెటస్ ను కనుగొని చికిత్స చేయడానికి ఆరోగ్య సంరక్షణ అందించేవారిని టెస్టింగ్ అనుమతిస్తుంది.

A1C పరీక్ష మెరుగుపడిందా?

అవును. A1C ప్రయోగశాల పరీక్షలు ఇప్పుడు ప్రామాణీకరించబడ్డాయి. గతంలో, టైప్ 2 మధుమేహం మరియు ప్రీడయాబెటస్ ను నిర్ధారించేందుకు A1C పరీక్ష సిఫార్సు చేయబడలేదు ఎందుకంటే అనేక విభిన్న రకాల A1C పరీక్షలు భిన్న ఫలితాలను ఇచ్చేవి.

టైప్ 2 మధుమేహం మరియు ప్రీడయాబెటస్ ను నిర్ధారించడానికి A1C పరీక్ష ఎలా ఉపయోగించబడుతుంది?

టైప్ 2 మధుమేహం మరియు ప్రీడయాబెటస్ ను నిర్ధారించడానికి A1C పరీక్షను ఒంటరిగా లేదా ఇతర మధుమేహ పరీక్షలతో కలిపి ఉపయోగించవచ్చు. A1C పరీక్షను నిర్ధారణ కోసం వాడినప్పుడు, ఫలితాలు ప్రామాణీకరించబడ్డాయని నిర్ధారించడానికి రక్త నమూనాను విశ్లేషణ కోసం ఒక NGSP ద్వారా ధృవీకరించబడిన పద్ధతిని ఉపయోగించే ఒక ప్రయోగశాలకు పంపాలి.

ఒక ఆరోగ్య సంరక్షణ ప్రదాత యొక్క కార్యాలయంలో విశ్లేషించబడే, పాయింట్-అఫ్-కేర్ (POC) పరీక్షలు అని పిలువబడే, రక్త నమూనాలు, మధుమేహాన్ని నిర్థారించడానికి ప్రామాణికమైనవి కావు. ఈ క్రింది పట్టిక A1C స్థాయిల ప్రకారం సాధారణ, మధుమేహం మరియు ప్రీడయాబెటస్ యొక్క రోగనిర్ధారణలను సూచించే శాతాలను అందిస్తుంది.

రోగ నిర్ధారణ * A1C స్థాయి
 సాధారణం  5.7 శాతం క్రింద
 మధుమేహం  6.5 శాతం లేదా పైన
ప్రీడయాబెటస్  5.7 నుండి 6.4 శాతం వరకు

* మధుమేహం యొక్క నిర్ధారణ కోసం ఏ పరీక్షకైనా మధుమేహం యొక్క స్పష్టమైన లక్షణాలు ఉంటే తప్ప రెండవ గణనతో ధ్రువీకరణ అవసరముండదు.

ప్రీడయాబెటస్ కలిగి ఉండటం అనేది టైప్ 2 మధుమేహం పొందడానికి ఒక ప్రమాద కారకం. ప్రీడయాబెటస్ తో వున్న వారు ప్రతి సంవత్సరం తిరిగి పరీక్షించబడవచ్చు. 5.7 నుండి 6.4 శాతం యొక్క  ప్రీడయాబెటస్ A1C పరిధిలో, A1C ఎంత ఎక్కువ వుంటే, మధుమేహ ప్రమాదం అంత ఎక్కువ. ప్రీడయాబెటస్ ఉన్నవారికి 10 సంవత్సరములలోపు  టైప్ 2 మధుమేహం అభివృద్ధి అయ్యే అవకాశం ఉంటుంది, కానీ వారు మధుమేహాన్ని నిరోధించడానికి లేదా ఆలస్యం చేయడానికి చర్యలు తీసుకోవచ్చు.

A1C పరీక్ష గర్భధారణ సమయంలో ఉపయోగించబడుతుందా?

గర్భధారణ సమయంలో ఆరోగ్య సంరక్షణ ప్రదాతను మొదటిసారి కలిసినప్పుడు, ప్రమాద కారకాలు ఉన్న మహిళల్లో గర్భిణీ అవ్వడానికి ముందు నిర్ధారణ కాని మధుమేహం ఉందా అని చూడటానికి A1C పరీక్షను ఉపయోగించవచ్చు. ఆ తరువాత, గర్భధారణ సమయంలో అభివృద్ధి అయ్యే – గర్భధారణ మధుమేహం అని పిలువబడే, మధుమేహాన్ని పరీక్షించడానికి ఓరల్ గ్లూకోస్ టాలరెన్స్ టెస్ట్ (OGTT) ఉపయోగించబడుతుంది. ప్రసవం తర్వాత, గర్భధారణ మధుమేహం కలిగిన మహిళలను కొనసాగే మధుమేహం కొరకు పరీక్షించాలి. డెలివరీ తర్వాత 12 వారాల లోపల పరీక్షించడం కోసం A1C పరీక్ష కాకుండా రక్తంలో గ్లూకోజ్ పరీక్షలను ఉపయోగించాలి.

టైప్ 2 మధుమేహం మరియు ప్రీడయాబెటస్ ను నిర్థారించడానికి రక్తంలోని గ్లూకోజ్ పరీక్షలను ఇంకా ఉపయోగించవచ్చా?

అవును. టైప్ 2 మధుమేహం మరియు ప్రీడయాబెటస్ ను నిర్థారించడానికి  ఉపయోగించబడే ప్రామాణిక రక్తంలోని  గ్లూకోజ్ పరీక్షలు అయిన ఫాస్టింగ్ ప్లాస్మా గ్లూకోజ్ (FPG) పరీక్ష మరియు OGTT – ఇప్పటికీ సిఫారుసు చేయబడతాయి. మధుమేహ లక్షణాలు ఉన్నప్పుడు మధుమేహాన్ని నిర్థారించడానికి, సాధారణ గ్లూకోజ్ పరీక్ష అని కూడా పిలువబడే రాండమ్ ప్లాస్మా గ్లూకోజ్ పరీక్షను ఉపయోగించవచ్చు. కొన్ని సందర్భాల్లో, ఒక రక్త గ్లూకోజ్ పరీక్ష ఫలితాలను ధృవీకరించేందుకు ఆరోగ్య సంరక్షణ ప్రదాతలకు సహాయపడడానికి A1C పరీక్ష ఉపయోగించబడుతుంది.

రక్తంలోని గ్లూకోజ్ పరీక్షల కంటే A1C పరీక్ష వేరొక నిర్ధారణను చూపించగలదా?

అవును. కొంతమందిలో, రక్త గ్లూకోజ్ పరీక్ష మధుమేహం సమస్యను సూచించినప్పుడు ఒక A1C పరీక్ష అలా చేయకపోవచ్చు. దీనికి వ్యతిరేకంగా కూడా జరగవచ్చు – ఒక రక్త గ్లూకోజ్ పరీక్ష దానిని చేయకపోయినప్పటికీ, ఒక A1C పరీక్ష మధుమేహ సమస్యను సూచించవచ్చు. పరీక్ష ఫలితాలలో ఈ వైవిధ్యాలు ఉండటం వలన ఆరోగ్య సంరక్షణ ప్రదాతలు ఒక నిర్ధారణ చేసే ముందు పరీక్షలను రిపీట్ చేస్తారు.

భిన్నమయిన పరీక్షా ఫలితాలు ఉన్న వ్యక్తులు వ్యాధి ప్రారంభ దశలో ఉండవచ్చు, అక్కడ రక్తంలోని గ్లూకోజ్ స్థాయిలు ప్రతి పరీక్షలో కనపడేంత ఎక్కువగా పెరగలేదు. కొన్నిసార్లు, జీవనశైలిలో సాధారణ మార్పులు చేయడం అనేది – కొద్ది పరిమాణంలో బరువును కోల్పోవడం మరియు శారీరక శ్రమను పెంచడం – మధుమేహాన్ని రివర్స్ చేయడానికి లేదా దానిని ఆలస్యం చేయడానికి ఈ ప్రారంభ దశలోని వున్న వారికి సహాయపడుతుంది.

మధుమేహ రక్త పరీక్ష ఫలితాలు ఎల్లప్పుడూ ఖచ్చితమైనవా?

అన్ని ప్రయోగశాల పరీక్ష ఫలితాలు రోజు రోజుకు మరియు పరీక్ష పరీక్షకు మారవచ్చు. ఫలితాలు వీటిలో మారవచ్చు

  • పరీక్షిస్తున్న వ్యక్తి లోపల. ఒక వ్యక్తి యొక్క రక్తంలోని గ్లూకోజ్ స్థాయిలు సాధారణంగా భోజనం, వ్యాయామం, అనారోగ్యం, మరియు ఒత్తిడి మీద ఆధారపడి పైకి మరియు క్రిందికి కదులుతాయి.
  • వివిధ పరీక్షల మధ్యలో. ప్రతీ పరీక్ష రక్తంలోని గ్లూకోజ్ స్థాయిలను ఒక విభిన్నమైన పద్ధతిలో కొలుస్తుంది. ఉదాహరణకి, FPG పరీక్ష, ఉపవాసం తర్వాత రక్తంలో స్వేచ్చగా తేలియాడే గ్లూకోజ్ పరిమాణాన్ని కొలుస్తుంది మరియు పరీక్ష సమయంలో ఉన్న రక్తంలోని గ్లూకోజ్ స్థాయిని మాత్రమే చూపిస్తుంది. ఒక హోమ్ మీటర్ తో రోజులో అనేక సార్లు చేసే స్వీయ పర్యవేక్షణ వంటి పలుమార్లు చేసే రక్తంలోని గ్లూకోజ్ పరీక్షలు, రోజు మొత్తంలో రక్తంలోని గ్లూకోజ్ స్థాయిల యొక్క సహజ వైవిధ్యాలను నమోదు చేయగలవు. A1C పరీక్ష హిమోగ్లోబిన్ కు అనుబందించబడిన గ్లూకోజ్ పరిమాణాన్ని సూచిస్తుంది, కాబట్టి ఒక వ్యక్తి 3 నెలల్లో ఎదుర్కొనగల అన్ని రక్త గ్లూకోజ్ స్థాయిల యొక్క సగటును అది ప్రతిబింబిస్తుంది. A1C పరీక్ష రోజు వారీ మార్పులను చూపించదు.

 

  • ఒకటే పరీక్ష లోపల. ఒకటే రక్త నమూనాను అనేకమార్లు ఒకటే ప్రయోగశాలలో కొలిచినా కూడా, ఉష్ణోగ్రత, పరికరాలు, లేదా నమూనా నిర్వహణలోని చిన్న మార్పుల కారణంగా ఫలితాలు మారవచ్చు.

పరీక్షా ఫలితాల గురించి ఆలోచించేటప్పుడు, ఆరోగ్య సంరక్షణ ప్రదాతలు ఈ వైవిధ్యాలను పరిగణలోకి తీసుకుంటారు మరియు ధృవీకరణ కోసం ప్రయోగశాల పరీక్షలను రిపీట్ చేస్తారు. మధుమేహం కాలక్రమేణా అభివృద్ధి చెందుతుంది, కాబట్టి పరీక్ష ఫలితాల్లో వైవిధ్యాలు వున్నా కూడా, ఆరోగ్య సంరక్షణ ప్రదాతలు, మొత్తం రక్తంలోని గ్లూకోజ్ స్థాయిలు ఎప్పుడు చాలా ఎక్కువ అవుతున్నాయో  తెలియజేయవచ్చు.

వివిధ ప్రయోగశాలల నుండి తీసుకున్న పరీక్ష ఫలితాలను పోల్చడం అనేది తప్పుదోవ పట్టించవచ్చు. వారు ఆరోగ్య సంరక్షణ ప్రదాతలను మార్చినప్పుడు లేదా వారి ఆరోగ్య సంరక్షణ ప్రదాత యొక్క కార్యాలయం, అది రక్త పరీక్షల కోసం ఉపయోగించే ప్రయోగశాల లేదా క్లినిక్ ను మార్చినప్పుడు, ప్రజలు కొత్త ప్రయోగశాల పరీక్షలను అభ్యర్థించడాన్ని పరిగణించాలి.

A1C పరీక్ష ఎంత ఖచ్చితమైనది?

A1C పరీక్ష ఫలితం అసలు శాతం కంటే 0.5 శాతం ఎక్కువగా లేదా తక్కువగా ఉంటుంది. దీని అర్థం, 7.0 శాతం గా కొలవబడిన ఒక A1C, ~ 6.5 నుండి 7.5 శాతం వరకు గల పరిధిలో ఎక్కడైనా వుండే ఒక నిజమైన A1C ని సూచించవచ్చు.

ప్రయోగశాల నివేదికలో ఒక A1C 7.0 శాతం ఉన్నప్పుడు, సంభావ్య నిజ విలువల యొక్క పరిధిని ఈ క్రింద ఉన్న చిత్రం వివరిస్తుంది. ఈ పరిధి, తరచుగా భేదగుణకంగా సూచించబడే ప్రయోగశాల పరీక్ష యొక్క స్వాభావిక వైవిధ్యం పై ఆధారపడి ఉంటుంది. ప్రయోగశాల వైవిధ్యం యొక్క వివిధ డిగ్రీలు, సంభావ్య నిజ విలువల యొక్క వివిధ పరిధులకు కారణమవుతాయి. ఉదహరించబడిన పరిధి NGSP చే ఆమోదించబడిన పరీక్ష పద్ధతుల ద్వారా అనుమతించబడే గరిష్ట పరిమితి.

 

A1C పరీక్షను దృష్టికోణంలో ఉంచడానికి, ఒక ప్రయోగశాల పరీక్ష నుండి పొందిన ఒక వ్యక్తి లోపలి విలక్షణ వైవిధ్యాన్ని పరిగణించే 126 mg/dL వున్న ఒక FPG పరీక్ష ఫలితం, ~ 110 నుండి 142 mg / dL వరకు గల పరిధిలో ఎక్కడైనా వుండే ఒక నిజ FPG ను సూచించగలదు. రక్త నమూనాను వెంటనే ప్రాసెస్ చెయ్యకపోతే లేదా మంచు మీద ఉంచకపొతే, శాంపిల్ లో వుండే రక్తంలోని గ్లూకోజ్ స్థాయిలను తగ్గిస్తూ ఈ వ్యత్యాసం ఇంకా ఎక్కువగా ఉంటుంది. ఈ క్రింద ఉన్న చిత్రం, 126 mg/dL వుండే ఒక FPG కొరకు సంభావ్య నిజ విలువల యొక్క పరిధిని  వివరిస్తుంది.

 

A1C పరీక్ష తప్పుడు ఫలితాలను ఇవ్వగలదా?

అవును, కొంతమందికి. ఫలితాలతో జోక్యం చేసుకుంటాయని తెలిసిన కొన్ని పరిస్థితులు ఉన్న వారిలో మధుమేహాన్ని నిర్ధారించడానికి మరియు పర్యవేక్షించటానికి A1C పరీక్ష అవిశ్వసనీయం కావచ్చు. A1C ఫలితాలు రక్త గ్లూకోజ్ పరీక్ష ఫలితాల కన్నా ఎంతో విభిన్నంగా కనిపించినప్పుడు, జోక్యాన్ని అనుమానించాలి.

సికిల్ సెల్ ఎనీమియా లేదా ఒక తలస్సేమియా వున్న కుటుంబ సభ్యులను కలిగి వున్న వారికి ప్రత్యేకించి జోక్యం యొక్క ప్రమాదం ఎక్కువగా ఉంటుంది. ఈ సమూహాలలో ఉన్న వారు, కొన్ని A1C పరీక్షలతో జోక్యం చేసుకోగల ఒక హిమోగ్లోబిన్ వేరియంట్ అని పిలువబడే హిమోగ్లోబిన్ యొక్క ఒక తక్కువ సాధారణ రకాన్ని కలిగి ఉండవచ్చు. ఒక హిమోగ్లోబిన్ వేరియంట్ తో ఉన్న చాలా మందికి ఏ లక్షణాలు వుండవు మరియు వారిలో ఈ రకపు హిమోగ్లోబిన్ ఉందని వారికి తెలియకపోవచ్చు.

ఒక హిమోగ్లోబిన్ వేరియంట్ తో వుండే వారికి, అన్ని A1C పరీక్షలు నమ్మలేనివి కాదు. ఒక రకం  A1C పరీక్ష నుండి తప్పుడు ఫలితాలు పొందిన వారికి, వారి సగటు రక్తంలోని గ్లూకోజ్ స్థాయిని కొలవడానికి వేరొక రకం A1C పరీక్ష అవసరం ఉండవచ్చు.

వారి రక్తం లేదా హిమోగ్లోబిన్ ను ప్రభావితం చేసే ఇతర సమస్యలతో వున్న వారిలో కూడా తప్పుడు A1C ఫలితాలు సంభవించవచ్చు. ఉదాహరణకు, ఒక తప్పుడు తక్కువ A1C ఫలితం  ఈ క్రింది వాటితో వున్న వారిలో ఏర్పడవచ్చు

  • రక్తహీనత
  • అధిక రక్తస్రావం

ఒక తప్పుగా పెరిగిన A1C ఫలితం ఈ క్రింది వారిలో ఏర్పడవచ్చు

  • ఎవరికైతే ఇనుము చాల తక్కువగా ఉందో, ఉదాహరణకు, ఇనుము లోపం అనీమియా ఉన్నవారికి

తప్పుడు A1C ఫలితాల యొక్క ఇతర కారణాలు ఈ క్రింది వాటితో కూడి ఉంటాయి

  • మూత్రపిండాల వైఫల్యం
  • కాలేయ వ్యాధి

మధుమేహం నిర్ధారణ తర్వాత A1C పరీక్షను ఎలా ఉపయోగిస్తారు?

ఆరోగ్య సంరక్షణ ప్రదాతలు, టైప్ 1 లేదా టైప్ 2 మధుమేహం ఉన్న వారిలో రక్తంలోని గ్లూకోజ్ స్థాయిలను పర్యవేక్షించేందుకు A1C పరీక్షను ఉపయోగించవచ్చు. A1C పరీక్ష గర్భధారణ మధుమేహాన్ని పర్యవేక్షించడానికి ఉపయోగించబడదు. మధుమేహంతో వుండి చికిత్స లక్ష్యాలను చేరుకుంటున్నవారు మరియు స్థిరమైన రక్త గ్లూకోజ్ స్థాయిలను కలిగి వున్నవారు సంవత్సరానికి రెండుసార్లు A1C పరీక్షను చేసుకోవాలని అమెరికన్ డయాబెటిస్ అసోసియేషన్ సిఫార్సు చేస్తోంది. రక్తంలోని గ్లూకోజ్ స్థాయిలు సిపార్సు చేయబడిన స్థాయిలను చేరుకునే వరకు, ఆరోగ్య సంరక్షణ ప్రదాతలు A1C పరీక్షను సంవత్సరానికి నాలుగు సార్ల అంత తరచుగా రిపీట్ చేయవచ్చు.

దీర్ఘకాల మధుమేహ ఇబ్బందులు తగ్గించడానికి మందులను సర్దుబాటు చేసేందుకు A1C పరీక్ష ఆరోగ్య సంరక్షణ ప్రదాతలకు సహాయపడుతుంది. A1C స్థాయిలను తగ్గించడంతో దీర్ఘకాలిక సమస్యలలో గణనీయమైన తగ్గుదలను అధ్యయనాలు ప్రదర్శించాయి.

మధుమేహ వ్యాధితో బాధపడుతున్న ఒక వ్యక్తిలోని రక్తంలోని గ్లూకోజ్ స్థాయిలను పర్యవేక్షించడానికి A1C పరీక్షను ఉపయోగించినపుడు, సత్వర ఫలితాలు ఇవ్వటానికి ఒక ఆరోగ్య సంరక్షణ ప్రదాత యొక్క కార్యాలయంలో ఒక POC పరీక్షను ఉపయోగిస్తూ రక్త నమూనాను విశ్లేషించవచ్చు. అయితే, POC పరీక్షలు తక్కువ విశ్వసనీయమైనవి మరియు చాలా ప్రయగశాల పరీక్షలంత ఖచ్చితమైనవి కావు.

అంచనా వేయబడిన సగటు గ్లూకోజ్ కు A1 C ఎలా అనుబంధించబడుతుంది?

అంచనా వేయబడిన సగటు గ్లూకోజ్ (ఇఎజి) A1C నుండి లెక్కించబడుతుంది. కొన్ని ప్రయోగశాలలు A1C పరీక్షా ఫలితాలతో ఇఎజి ని నివేదిస్తాయి. వారి A1C ను రోజువారీ గ్లూకోజ్ మానిటరింగ్ స్థాయిలకు అనుబంధించడానికి, మధుమేహంతో వున్న వారికి ఇఎజి నెంబర్ సహాయపడుతుంది. ఇఎజి లెక్కింపు, A1C శాతాన్ని హోమ్ గ్లూకోజ్ మీటర్లలో వినియోగించే అదే యూనిట్లలోకి మారుస్తుంది – మిల్లీగ్రామ్స్ పర్ డెసిలీటర్ (mg / dL).

ఇఎజి సంఖ్య రోజువారీ గ్లూకోజ్ ఫలితాలను సరిపోలదు ఎందుకంటే, హోమ్ గ్లూకోజ్ మీటర్ తో ఒక్క సమయంలో కొలవబడే రక్త గ్లూకోజ్ స్థాయి వలె కాకుండా అది ఒక దీర్ఘకాల సగటు. ఈ క్రింది పట్టిక A1C మరియు ఇఎజి ల మధ్య ఉన్న సంబంధాన్ని చూపిస్తుంది.

A1C మరియు ఇఎజి మధ్య సంబంధం

A1C eAG
శాతం mg/dL
6 126
7 154
8 183
9 212
10 240
11 269
12 298

 

ప్రజలకు ఏమి A1C లక్ష్యం ఉండాలి?

ప్రజలకు వారి మధుమేహ చరిత్ర మరియు వారి సాధారణ ఆరోగ్యం మీద ఆధారపడి వివిధ A1C లక్ష్యాలు  ఉంటాయి. ప్రజలు వారి A1C లక్ష్యం గురించి వారి ఆరోగ్య సంరక్షణ ప్రదాతతో చర్చించాలి. మధుమేహం ఉన్న వారు A1C స్థాయిలను 7 శాతం క్రింద ఉంచడం ద్వారా మధుమేహ సమస్యల ప్రమాదాన్ని తగ్గించగలరని అధ్యయనాలు నిరూపించాయి.

మంచి రక్త గ్లూకోజ్ నియంత్రణను నిర్వహించడం అనేది, కొత్త-ప్రారంభ దశ మధుమేహంతో వున్న వారికి రాబోయే అనేక సంవత్సరాల వరకు లబ్ధి చేకూరుస్తుంది. అయితే, ఒక వ్యక్తికి సురక్షితమైన ఒక A1C స్థాయి మరొకరికి  సురక్షితం కాకపోవచ్చు. ఉదాహరణకి, అది తక్కువ రక్త గ్లూకోజ్ అని కూడా పిలువబడే హైపోగ్లైసెమియా సమస్యలకు దారితీస్తే, అప్పుడు 7 శాతం క్రింద ఒక A1C స్థాయిని ఉంచడం అనేది సురక్షితం కాకపోవచ్చు.

తక్కువ కఠినమైన రక్తంలోని గ్లూకోజ్ నియంత్రణ లేదా 7 మరియు 8 శాతం మధ్య వుండే ఒక A1C – లేదా కొన్ని పరిస్థితులలో ఇంకా అధికం – ఈ క్రింది వాటిని కలిగి ఉన్న వ్యక్తులకు సముచితం కావచ్చు

  • పరిమిత జీవిత కాలం
  • దీర్ఘకాల మధుమేహం మరియు తక్కువ లక్ష్యాన్ని సాధించేందుకు కష్టం
  • తీవ్రమైన హైపోగ్లైసెమియా
  • దీర్ఘకాలిక మూత్రపిండాల వ్యాధి, నరాల సమస్యలు, లేదా కార్డియో వాస్స్యులర్ డిసీజ్ వంటి ఆధునిక మధుమేహ సమస్యలు

రక్తంలో గ్లూకోజ్ స్థాయిలలోని మార్పులను A1C పరీక్ష చూపిస్తుందా?

గత నెల రోజుల పాటుగా ఒక వ్యక్తి యొక్క రక్తంలోని గ్లూకోజ్ స్థాయిల్లోని పెద్ద మార్పులు వారి A1C పరీక్ష ఫలితంలో చూపబడతాయి, కానీ రక్తంలోని గ్లూకోజ్ స్థాయిలలోని ఆకస్మిక, తాత్కాలిక పెరుగుదలలు లేదా తరుగుదలలను A1C చూపించదు. A1C ఒక దీర్ఘకాల సగటు సూచించినప్పటికీ, గత 30 రోజుల లోపలి రక్త గ్లూకోజ్ స్థాయిలు గడిచిన నెలలోని వాటి కంటే A1C రీడింగ్ మీద ఎక్కువ ప్రభావం చూపిస్తాయి.

గుర్తుంచుకోవలసిన పాయింట్లు

  • A1C పరీక్ష అనేది, గత 3 నెలలుగా రక్తంలో చక్కెర అని కూడా పిలువబడే ఒక వ్యక్తి యొక్క రక్తంలోని గ్లూకోజ్ యొక్క సగటు స్థాయిల గురించిన సమాచారం అందించే ఒక రక్త పరీక్ష.
  • ఎర్ర రక్త కణాలలోని ఆక్సిజన్ ను చేరవేసే ప్రొటీన్ అయిన హీమోగ్లోబిన్ కు గ్లూకోజ్ యొక్క జోడింపు మీద A1C పరీక్ష ఆధారపడుతుంది. అందువలన, A1C పరీక్ష గత 3 నెలలుగా ఒక వ్యక్తి యొక్క రక్తంలోని గ్లూకోజ్ స్థాయిల యొక్క సగటును ప్రతిబింబిస్తుంది.
  • 2009 లో, ఒక అంతర్జాతీయ నిపుణుల కమిటీ A1C పరీక్ష టైప్ 2 మధుమేహం మరియు ప్రీడయాబెటస్ ను నిర్ధారించేందుకు సహాయం చేయడానికి అందుబాటులో గల పరీక్షలలో ఒకటిగా ఉపయోగించాలని సిఫార్సు చేసింది.
  • A1C పరీక్షకు ఉపవాసం అవసరం లేదు మరియు పరీక్ష కోసం రక్తాన్ని రోజులో ఏ సమయంలోనైనా తీసుకోవచ్చు, కాబట్టి దాని యొక్క సౌలభ్యం పరీక్షించుకోవడానికి ఎక్కువ మందిని అనుమతిస్తుందని నిపుణులు ఆశిస్తున్నారు – దాని ద్వారా, నిర్థారించని మధుమేహం వున్న వారి సంఖ్య తగ్గుతోంది.
  • గతం లో, A1C పరీక్ష టైప్ 2 మధుమేహం మరియు ప్రీడయాబెటస్ నిర్ధారణకు సిఫార్సు చేయబడలేదు ఎందుకంటే అనేక రకాల A1C పరీక్షలు విభిన్న ఫలితాలను ఇవ్వగలిగేవి. నేషనల్ గ్లైకో హిమోగ్లోబిన్ స్టాండర్డైజేషన్ ప్రోగ్రామ్ (NGSP) ద్వారా ఖచ్చితత్వం మెరుగుపరచబడింది, ఇది A1C పరీక్షలకు ప్రమాణాలను అభివృద్ధి చేసింది. పాయింట్-అఫ్-కేర్ (POC) పరీక్షలు అని పిలువబడే, ఒక ఆరోగ్య సంరక్షణ ప్రదాత యొక్క కార్యాలయంలో విశ్లేషించబడే రక్త నమూనాలు, మధుమేహాన్ని నిర్ధారించడంలో ఉపయోగించడం కోసం ప్రామాణికమైనవి కావు.
  • గర్భధారణ సమయంలో ఆరోగ్య సంరక్షణ ప్రదాతను మొదటిసారి కలిసినప్పుడు, ప్రమాద కారకాలు ఉన్న మహిళల్లో గర్భిణీ అవ్వడానికి ముందు నిర్ధారణ కాని మధుమేహం ఉందా అని చూడటానికి A1C పరీక్షను ఉపయోగించవచ్చు. ఆ తరువాత, గర్భధారణ సమయంలో అభివృద్ధి అయ్యే – గర్భధారణ మధుమేహం అని పిలువబడే, మధుమేహాన్ని పరీక్షించడానికి ఓరల్ గ్లూకోస్ టాలరెన్స్ టెస్ట్ (OGTT) ఉపయోగించబడుతుంది.
  • టైప్ 2 మధుమేహం మరియు ప్రీడయాబెటస్ ను నిర్థారించడానికి ఉపయోగించబడే ప్రామాణిక రక్తంలోని  గ్లూకోజ్ పరీక్షలు అయిన ఫాస్టింగ్ ప్లాస్మా గ్లూకోజ్ (FPG) పరీక్ష మరియు OGTT – ఇప్పటికీ సిఫారుసు చేయబడతాయి. మధుమేహ లక్షణాలు ఉన్నప్పుడు మధుమేహాన్ని నిర్థారించడానికి రాండమ్ ప్లాస్మా గ్లూకోజ్ పరీక్షను ఉపయోగించవచ్చు.
  • ఫలితాలతో జోక్యం చేసుకుంటాయని తెలిసిన కొన్ని పరిస్థితులు ఉన్న వారిలో మధుమేహాన్ని నిర్ధారించడానికి లేదా పర్యవేక్షించటానికి A1C పరీక్ష అవిశ్వసనీయం కావచ్చు.
  • మధుమేహంతో వుండి చికిత్స లక్ష్యాలను చేరుకుంటున్నవారు మరియు స్థిరమైన రక్త గ్లూకోజ్ స్థాయిలను కలిగి వున్నవారు సంవత్సరానికి రెండుసార్లు A1C పరీక్షను చేసుకోవాలని అమెరికన్ డయాబెటిస్ అసోసియేషన్ సిఫార్సు చేస్తోంది.
  • రోజువారీ గ్లూకోజ్ పర్యవేక్షణ స్థాయిలకు వారి A1C ని అనుబంధించేందుకు మధుమేహం వున్న వారికి సహాయపడడానికి అంచనా వేయబడిన సగటు గ్లూకోజ్ (eAG) A1C నుండి లెక్కించబడుతుంది.
  • ప్రజలకు వారి మధుమేహ చరిత్ర మరియు వారి సాధారణ ఆరోగ్యం మీద ఆధారపడి వివిధ A1C లక్ష్యాలు ఉంటాయి. ప్రజలు వారి A1C లక్ష్యం గురించి వారి ఆరోగ్య సంరక్షణ ప్రదాతతో చర్చించాలి.

తిరిగి షుగర్ వ్యాధి గైడ్కు