ఇన్సులిన్ గురించి సాధారణ ప్రశ్నలు

డాక్టర్ కరుటూరి సుబ్రహ్మణ్యం, MD, FRCP (లండన్), FACP (అమెరికా)
కిఫి హాస్పిటల్
దానవాయి పేట
రాజమండ్రి
ఫోన్ : 85000 23456

ఇన్సులిన్ థెరపీని మీ మధుమేహ వైధ్య ప్రణాళికకు జత చేయడం అవసరమైనప్పుడు, ఈ సాధారణంగా అడిగే ప్రశ్నలకు జవాబులు తెలుసుకొనడం వల్ల మీరు కొత్త నియమాలను అర్థం చేసుకోవడానికి మరియు సరిచేసుకొనుటకు మీకు సహాయ పడగలదు.

ఇన్సులిన్ థెరపీని మరియు మధుమేహ చికిత్సలో దాని పాత్రను అర్థం చేసుకోవడం అనేది మీరు పరిస్థితులను నిర్వహించడంలో బాగా విజయవంతము కావడానికి సహాయ పడుతుంది. మీ ప్రాధమిక సమాచార మూలం మీ యొక్క డయాబెటాలజిస్ట్, కానీ మీరు కొత్తగా నిర్ధారింపబడినప్పుడు, ఇన్సులిన్ గురించిన నిజాలు అన్నీ అతిశయోక్తిలాగా అనిపించవచ్చు, మరియు మీకు జవాబుల కంటే ప్రశ్నలే ఎక్కువ వున్నట్టు అనిపించవచ్చు.

అది సాధారణం, కాబట్టి చాలా ఎక్కువ ప్రశ్నలు అడగటానికి భయపడకండి. మీ డయాబెటాలజిస్ట్ మీకు అవసరమైన సమాధానాలు కలిగివున్నాడు అలాగే మీరు పొందుతున్న భావోద్వేగాల గురించి అనుభవం వుంది. మధుమేహం ఉన్న వారిలో మొదట ఇన్సులిన్ చికిత్స అవసరం ఎదురైనప్పుడు గందరగోళం, ఆందోళన, మరియు నిరాశ సాధారణం, కానీ ఆందోళనలు తీరిన తర్వాత, చాలా మంది ప్రజలు ఒక ఇన్సులిన్ ఇంజక్షన్ తీసుకోవడం ఆశ్చర్యకరంగా సులభం అని కనుగొంటారు.

మీరు మీ మధుమేహం చికిత్స ప్రణాళిక కొరకు ఒక హేండిల్ పొందడానికి, ఇక్కడ ఇన్సులిన్ చికిత్స గురించి తరచూ అడిగే ప్రశ్నలకు సమాధానాలు వున్నాయి. మీ మధమేహ వ్యాధి నిపుణుడితో తదుపరి సంభాషణలు కోసం వాటిని ప్రారంభ బిందువుగా ఉపయోగించండి.

1) నాకు ఇన్సులిన్ ఎందుకు అవసరం?

ఇన్సులిన్ అనేది రక్తంలో చక్కెరను నియంత్రించడానికి అవసరమైన మరియు శరీరం రక్తంలో చక్కెరను ఇంధనంగా ఉపయోగించుకోవడం కోసం సహాయం చేసే ఒక హార్మోన్. మీకు టైప్ 1 మధుమేహం వుంటే, మీరు ఇన్సులిన్ తీసుకోవలసిన అవసరం వుంది ఎందుకంటే మీ శరీరం  దానిని స్వంతంగా తయారు చేసుకోలేదు. మీకు టైప్ 2 డయాబెటిస్ వుండి మరియు ఇన్సులిన్ అవసరం ఉంటే, దానికి కారణం మీ శరీరం దాని అవసరాలకు తగినంత ఇన్సులిన్ ను తయారుచేయ డాన్ని నిలిపివేయడం, అది కాలక్రమేణా జరుగుతుంది. ఇది రెండు అంశాల యొక్క ఫలితం:  ఒకటి తగిన విధంగా ఇన్సులిన్ కు స్పందించడంలో శరీరము వైపల్యం చెందుతుంది, అది ఇన్సులిన్ రెసిస్టెన్స్ అని పిలువబడుతుంది మరియు ఇంకొకటి దాని నుంచి బయట పడేదానికి కావలసినంత ఇన్సులిన్ ను తయారుచేయలేని క్లోమం యొక్క ఒక అసమర్థత. గుండె శస్త్రచికిత్స లేదా ముదిరిన న్యుమోనియా తర్వాత మీ శరీరం కోలుకోవడానికి కష్టపడి పని చేస్తునప్పుడు మరియు ఇన్సులిన్ ఉత్పత్తిని సమర్ధవంతంగా నిర్వహణ చేయలేకపోతునప్పుడు, వంటి ఒక స్వల్ప కాలం కోసం మీకు ఇన్సులిన్ అవసరం పడగలిగే కొన్ని సందర్భాలు కూడా ఉన్నాయి.

 2)  నాకు నా మిగిలిన జీవితం కొరకు ఇన్సులిన్ అవసరం ఉందా?

ఒక రోజు క్లోమం కణజాలం మార్పిడి అనేది మీ శరీరం తన సొంత ఇన్సులిన్ ను తయారు చేయడాన్నిసాధ్యం చేయగలదు అనే ఒక ఆశను శాస్త్రీయ పరిశోధన అందించినప్పటికీ, మీకు టైప్ 1 మధుమేహం ఉంటే, సమాధానం “అవును”.  ఒకవేళ మీకు టైప్ 2 మధుమేహం వుంటే, జవాబు మరీ క్లిష్టంగా ఉంటుంది.  టైప్ 2 మధుమేహం ఒకసారి మొదలైనాక చాలా మంది ప్రజలు వారి జీవితాంతం ఇన్సులిన్ ను తీసుకుంటారు, అయితే కొద్ది మంది ప్రజలు వారి యొక్క అంకిత భావ ప్రయత్నాలతో బరువు   తగ్గితే మరియు మొదట వారికి ఇన్సులిన్ చికిత్స అవసరం పడడానికి కారణమైన ఇతర జీవనశైలి కారకాలను నిర్వహించుకొంటే, నిలుపుదల చేయగలరు.

3) ఇన్సులిన్ ఇంజక్షన్లు బాధిస్తా యా?    

ఒక ఇంజెక్షన్ నుండి స్థానిక అసౌకర్యం అనేది చాలా మంది భయపడే విషయం, కానీ ఈ రోజుల్లోని డెలివరీ వ్యవస్థలు- మీరు చూడలేని చిన్న సూదులతో మరియు ఇంజక్షన్ చేయడంలో చాలా తక్కువ నొప్పితో- దీనిని చేయడానికి చాలా మందికి సులభతరం చేస్తాయి. ఒక కాథెటర్ సిస్టమ్ ద్వారా మీకు అది అవసరం పడినప్పుడు స్వయంచాలకంగా ఇన్సులిన్ ను అందించే ఒక ఇన్సులిన్ పంప్ ను మీరు పరిగణలోకి తీసుకోవాలని అనుకోవచ్చు.

4) ఇన్సులిన్ చికిత్స కారణంగా బరువు పెరుగుతారా?

ఎక్కువగా మూత్రంలో చక్కెరను విసర్జించడం ద్వారా నుండి కేలరీలు కోల్పోకుండా శరీరం నివారించటం వలన ఇన్సులిన్ వైద్యంతో కొంత బరువు పెరగడం జరుగుతుంది. ఈ ఇన్సులిన్ తో పాటు కొన్ని మధుమేహం మందులు ఉపయోగించడం, మీ ఆహారాన్ని గమనించడం, మరియు చురుకుగా వుండడం  ద్వారా తగ్గించవచ్చును. మొత్తంమీద, ఇన్సులిన్ కు సంబంధించిన బరువు పెరుగుదల కనిష్టంగా ఉండవచ్చు.

5) అంధత్వం వంటి సమస్యలకు ఇన్సులిన్ చికిత్స దారి తీస్తుందా?

టైప్ 2 మధుమేహం కొరకు ఇన్సులిన్ ను తీసుకోవలసిన అవసరం వుందని చెప్పబడిన మధుమేహం ఉన్న చాలా మంది వ్యక్తులు, ఇన్సులిన్ ను ప్రారంభించిన మరియు అదేసమయంలో ఒక కాలిలోని విచ్ఛేదన అవసరం లేదా అంధత్వం వంటి తీవ్రమైన సమస్యను అనుభవించిన పాత బంధువులను విరివిగా గుర్తుకు తెచ్చుకుంటారు. ఇవి అనియంత్రిత మధుమేహం యొక్క సమస్యలు అయినప్పటికీ- మధుమేహం చికిత్స యొక్క సమస్యలు కావు- అప్పటికే సమస్యలు ఏర్పడే వరకు మీ పాత బంధువులకు ఇన్సులిన్ సూచించబడకపోవచ్చు. ఈ రోజుల్లో, మీరు మంచి రక్తంలో చక్కెర నియంత్రణను నిర్వహించడానికి ఇన్సులిన్ ను ఉపయోగిస్తే, మీరు సాధారణ మధుమేహ సమస్యల అభివృద్ధి వేగాన్ని తగ్గించవచ్చు.

6) నాకు ఇన్సులిన్ వలన ఒక చెడు స్పందన ఉండవచ్చా?

మధుమేహం ఉన్న వ్యక్తులు అరుదుగా ఇన్సులిన్ తో ఒక అలర్జిక్ రియాక్షన్ ను కలిగి వుంటారు. అలా జరిగితే, మీ స్పందనను నియంత్రించడానికి మీరు మరియు మీ డయాబెటాలజిస్ట్ పనిచేస్తారు. అత్యంత తీవ్రమైన ఇన్సులిన్ రియాక్షన్ హైపోగ్లైసీమియా, లేదా తక్కువ రక్తంలో చక్కెర. ఇది టైప్ 2 మధుమేహం ఉన్న వ్యక్తులకు సాధారణమైనది కాదు, కానీ అది జరగవచ్చు, హైపోగ్లైసెమియా రాకుండా తగ్గించుటకు మరియు ఒకవేళ వస్తే వెంటనే విరుగుడుగా ఇన్సులిన్ ను ఎలా ఉపయోగించాలో మీరు మరియు మీ డయాబెటాలజిస్ట్ తెలుసుకోవడం ముఖ్యమైనది. తక్కువ రక్తంలో చక్కెరను సరిదిద్దడానికి మీ డయాబెటాలజిస్ట్ మిమ్మల్ని చక్కెర మాత్రలు తీసుకెళ్ళమని లేక చిన్న మొత్తంలో మీరు జూస్ ఎప్పుడు త్రాగాలి అనేది మీకు ఖచ్చితంగా తెలిసి వుండాలని మీకు సలహా ఇచ్చే అవకాశం ఉండవచ్చు.  మీరు మధుమేహగ్రస్తులనేది మీ చుట్టు ప్రక్కల ప్రజలకు తెలియడానికి మీరు ఒక మెడికల్ అలర్ట్ బ్రాస్లెట్ లేదా నెక్లేస్ ను ధరించాలి.

7) నేను ఇన్సులిన్ కు నిరోధకతను కలిగి  ఉంటానా?          

టైపు 2 మధుమేహం కలిగిన వ్యక్తికి ఇన్సులిన్ అవసరమైన సమయానికి, అతను లేదా ఆమెకు సాదారణంగా ఇన్సులిన్ నిరోధకత గురించి అంతా తెలిసి ఉండవచ్చు. టైప్ 2 డయాబెటిస్ ఉన్నవారు ఎక్కువ బద్దకస్తులు అయితే లేదా వారు వయసుపెరిగే కొద్దీ కేలరీలు తీసుకోవడం తగ్గించకపోతే, టైపు 2 మదుమేహం వున్న వారికి తరుచుగా ఎక్కువ మోతాదులో ఇన్సులిన్ ను ఉపయోగిస్తారు, ఈ రెండు ఇన్సులిన్ ఎంత బాగా పనిచేస్తుందనే దానిని ప్రభావితం చేస్తాయి. ఇన్సులిన్ నిరోధకత అనేది టైప్ 2 మధుమేహంతో జరిగే తప్పులో భాగం, అయితే ఆరోగ్యకరమైన జీవన విధానం సహాయపడగలదు. మీ ఆహారాన్ని గమనించడం మరియు చురుకుగా ఉండడం ద్వారా ఆరోగ్యకరమై బరువును నిర్వహించండి.

8) నేను ఇన్సులిన్ తో మధుమేహాన్ని నిర్వ హించడంలో విఫలం కాగలనా?

కొంతమంది ఇన్సులిన్ అవసరాన్ని మధుమేహాన్ని నిర్వహించడానికి వారి ప్రయత్నాల యొక్క సూచిక లాగా చూస్తారు. టైప్ 2 మధుమేహం ఒక పెరిగే వ్యాధి, మరియు మంచి ప్రయత్నాలతో కుడా, కొంతమందికి ఇన్సులిన్ అవసరమైనది. దానిని మీ తరపు నుండి ఒక వైఫల్యంగా కంటే పరిస్థితి యొక్క ఒక సహజ పరిణామంగా పరిగణించడాన్ని నేను ప్రోత్సహిస్తున్నాను.

9) నేను ఎంత ఇన్సులిన్ ను తీసుకోవాలని ఎలా తెలుసుకోవాలి?

మీ డయాబెటాలజిస్ట్ మీకు ఎంత ఇన్సులిన్ అవసరం అనే దానిని నిర్ణయించడానికి మీతో కలసి పని చేస్తాడు. కొంతమంది ఒక రోజంతా కొనసాగే ఒక మోతాదు ఇన్సులిన్ తో బాగుంటారు. ఇతరులు భోజనానికి ముందు అదనపు ఇన్సులిన్ ను తీసుకోవలసిన అవుసరం వుంటుంది. మీ రక్తంలో చక్కెర స్థాయిలకు మరియు మీ జీవనశైలికి ప్రతిస్పందనగా ఇన్సులిన్ ను ఎలా సర్దుబాటు చేయాలో నేర్చుకోవడం అనేది మధుమేహాన్ని నిర్వహించడంలో ఒక భాగం.  భోజనం ముందు మరియు మీరు డ్రైవ్ చేసే ముందు వంటి క్రమం తప్పని రక్తంలో చక్కెర తనిఖీలు, మీరు నియంత్రణలో మరియు సురక్షితంగా ఉండడానికి సహాయపడతాయి

10) నేను ఎప్పుడు నా డయాబెటాలజిస్ట్ కు కాల్ చేయవలసిన అవసరం వుంటుంది?   

మీరు క్రమం తప్పకుండా మీ డయాబెటాలజిస్ట్ ను కలుస్తుండాలి అయితే ఒక వేళ మీ రక్తంలో చక్కెర స్థాయిలు చాలా ఎక్కువగా లేదా చాలా తక్కువగా నడుస్తుంటే, మీరు వెంటనే మీ మధమేహ వ్యాధి నిపుణుడికి కాల్ చేయాలి. మీరు ఇన్సులిన్ ను సరిగ్గా నిర్వహించకపోవడానికి మరియు మీకు వైద్య సహాయం అవసరం అనేదానికి అది ఒక గుర్తు. సాధారణమని భావించబడినది ఒక వ్యక్తి నుండి వ్యక్తికి మారినప్పటికీ, అతను 200 కంటే ఎక్కువ లేదా 80 లేదా 90 కంటే తక్కువగా వుండే స్థాయిలు సాధారణంగా ఒక కాల్ చేయడానికి హెచ్చరిక అని చెప్తాడు.  మీకు మోతాదు గురించి ప్రశ్నలు వుంటే ఏ సమయంలో నైనా మీ డయాబెటాలజిస్ట్ తో తనిఖీ చేసుకోండి.

11) నేను ఇన్సులిన్ ను అధిక మోతాదులో వేసుకోవచ్చా?

సాంకేతికంగా మాట్లాడితే, అవును, అయితే ఇన్సులిన్ తో అధిక మోతాదు నిజంగా కష్టం. ఇన్సులిన్ తో అధిక మోతాదు అరుదైన విషయం అయినప్పటికీ, లక్షణాలు మరియు ఏవిధంగా స్పందించాలి అనే విషయాలు తెలుసుకోవడం అనేది ఒక మంచి ఆలోచన. ఎక్కువ ఇన్సులిన్ తీసుకోవడం హైపోగ్లైసెమియాను కలిగించవచ్చు. లక్షణాలలో ఆకలి, మైకము, చెమట పట్టుట, భయము లేదా ఆత్రుత, వణుకుతున్నట్టుగా ఉండటం, నిద్రమత్తుగా ఉండటం, మరియు దృష్టి కేంద్రీకరించడంలో ఇబ్బంది, అలాగే మాట్లాడడంలో లేక ఆలోచించడంలో ఇబ్బంది లాంటి సమస్యలు ఉంటాయి. చాలాసార్లు, చిన్న మొత్తంలో జూస్, ఒక కార్బోహైడ్రేట్ చిరుతిండి లేదా చక్కెర మాత్రలతో మీరు దేనిని త్వరగా సరిచేయగలరు. అయితే, దాని యొక్క హీనస్థితిలో హైపోగ్లైసెమియా మీరు మూర్ఛపోవడానికి కారణం కావచ్చు లేదా ప్రాణాంతకం కావచ్చు. తిన్న తరువాత ఒక వేళ మీ పరిస్థితిని త్వరగా పరిష్కరించబడకుంటే లేక మీరు ఒక అధిక మోతాదును అనుమానిస్తే, వెంటనే మీ డయాబెటాలజిస్ట్ కు కాల్ చేయండి, ఒక అత్యవసర గదికి చేరుకోండి, లేదా 85000 23456 కు కాల్ చేయండి.

12) అందుబాటులో వున్నఇన్సులిన్ రకాలు ఏవి? 

ఇన్సులిన్ రక్తంలో చక్కెరను నియంత్రించే ఒక హార్మోన్. మధుమేహం చికిత్సలో ఉపయోగించే అనేక రకాల ఇన్సులిన్లు ఉన్నాయి.  అవి ఏవనగా:

  • రాపిడ్-యాక్టింగ్ ఇన్సులిన్. ఇది కొన్ని నిమిషాల్లో పని చేయడం మొదలు పెడుతుంది మరియు కొన్ని గంటల పాటు కొనసాగుతుంది.
  • రెగ్యులర్- లేదా షార్ట్-యాక్టింగ్ ఇన్సులిన్. ఇది పూర్తిగా పనిచేయుటకు 30 నిమిషాలు తీసుకొంటుంది మరియు 3 నుండి 6 గంటల పాటు కొనసాగుతుంది.
  • ఇంటర్మీడియట్-యాక్టింగ్ ఇన్సులిన్. ఇది పూర్తిగా పనిచేయుటకు 2 నుండి 4 గంటల సమయం తీసుకొంటుంది. దీని యొక్క ప్రభావాలు 18 గంటల పాటు కొనసాగగలవు.
  • లాంగ్-యాక్టింగ్ ఇన్సులిన్. ఇది ఒక రోజంతా పని చేయవచ్చు.

మీ డయాబెటాలజిస్ట్ ఒకటి కంటే ఎక్కువ రకాలను సూచించవచ్చు.

రోజు అంతటలో మీ మోతాదులకు అంతరం ఇవ్వడానికి మరియు బహుశా ఇతర మందులు కూడా తీసుకోవటానికి, మీరు ప్రతి రోజూ ఇన్సులిన్ ను ఒకటి కంటే ఎక్కువ సార్లు తీసుకోవలసిన అవసరం ఉండవచ్చు. మీ డయాబెటాలజిస్ట్ ఖచ్చితంగా మీకు ఏది అవసరమో చెప్పుతాడు.

13) నేను ఇన్సులిన్ ను ఎలా తీసుకోవాలి

అనేక రకాలైన పద్ధతులు ఉన్నాయి. ఒక సూది మరియు సిరంజి, ఒక కాట్రిడ్జ్ పద్దతి, లేక ఫిల్డ్ పెన్ సిస్టం వుపయోగించి మీకు మీరే ఒక ఇన్సులిన్ ఇంజక్షన్ ను చేసుకోగలరు. పీల్చే ఇన్సులిన్, ఇన్సులిన్ పంపులు, మరియు ఒక క్విక్-యాక్టింగ్ ఇన్సులిన్ పరికరం కూడా అందుబాటులో ఉన్నాయి.

ఒక వేళ మీరు ఒక ఎక్కించగల ఇన్సులిన్ ను ఉపయోగిస్తే, మీకు మీరే మీ శరీరం మీద షాట్ ఇచ్చే ప్రదేశం ప్రాముఖ్యత కలిగి వుంటుంది.

మీరు మీ బొడ్డు లోకి ఎక్కించినప్పుడు మీరు అత్యంత నిలకడగా ఇన్సులిన్ ను గ్రహిస్తారు. దానిని ఎక్కించుకోడానికి తదుపరి ఉత్తమ స్థలాలు మీ చేతులు, తొడలు, మరియు పిరుదులు.

మీ శరీరంలో ఒకే సాధారణ భాగములో ఇన్సులిన్ ను ఎక్కించుకునేదాన్ని ఒక అలవాటుగా చేసుకోండి, అయితే ఖచ్చితమైన ఇంజక్షన్ స్థలమును మార్చండి. ఇది చర్మం క్రింద మచ్చలను తగ్గించడానికి సహాయపడుతుంది.

14) ఇన్సులిన్ యొక్క సైడ్ ఎఫెక్ట్స్ ఏమిటి

ప్రధానంగా ఇవి ఉంటాయి:

  • తక్కువ రక్తంలో చక్కెర
  • మీరు మొదట ఇన్సులిన్ ను ఉపయోగించడం మొదలుపెట్టినప్పుడు బరువు పెరుగుట.
  • మీరు చాలా ఇన్సులిన్ ఇంజక్షన్లు తీసుకున్న స్థలంలో గడ్డలూ లేదా మచ్చలు
  • ఇంజక్షన్లు వేసుకున్న స్థలంలో లేక మొత్తం శరీరం మీద (అరుదుగా) దద్దుర్లు
  • పీల్చే ఇన్సులిన్ తో, ఉబ్బసం లేదా ఊపిరితిత్తుల వ్యాధి COPD వున్నవారికి ఊపిరితిత్తులు హఠాత్తుగా బిగుసుకపోయే ఒక అవకాశం ఉంది.

15) నా ఇన్సులిన్ ను ఎలా నిల్వ ఉంచాలి?

మీరు ఎక్కించగల ఇన్సులిన్ ఉపయోగిస్తే, ఎల్లప్పుడూ మీ చేతిలో మీ యొక్క ప్రతి రకం ఇన్సులిన్ యొక్క రెండు సీసాలు ఉంచుకోండి. మీరు ఉపయోగిస్తున్న సీసాను గది వుస్నోగ్రత వద్ద (80F కంటే ఎక్కువ కాకుండా) 30 రోజుల వరకు నిల్వ చేసుకోగలరు. దానిని చాలా వేడిగా లేదా చాలా చల్లగా, మరియు ఎక్కడైతే ప్రత్యక్ష సూర్యకాంతి పడదో అక్కడ ఉంచండి.

మార్గదర్శక నియమం ఏమిటంటే, ఉష్ణోగ్రత మీకు సౌకర్యవంతంగా ఉంటే, ఇన్సులిన్ సురక్షితంగా వుంటుంది. మీరు ఉపయోగిస్తున్న ఇన్సులిన్ గాజు బుడ్డిలను ఫ్రిజ్ లో ఉంచవలసిన అవసరం లేదు. అయితే ఇన్సులిన్ అదనపు సీసాలను ఒక రిఫ్రిజిరేటర్ లో ఉంచండి. మీరు కొత్త సీసాను ఉపయోగించడానికి సిద్దపడ్డాక ముందురోజు రాత్రి దానిని రిఫ్రిజిరేటర్ నుండి బయటకు తీసి దానిని గది ఉష్ణోగ్రత వద్ద వెచ్చబడనివ్వండి. మీ ఇన్సులిన్ ను ఫ్రీజర్ లో ఉంచవద్దు.

ఇన్సులిన్ పెన్నులు కొరకు, నిల్వ చేయు సూచనల కోసం ప్యాకేజీ ఇన్సర్ట్ పై చూడండి.

ఎల్లప్పుడూ మీ ఇన్సులిన్ సీసాను తనిఖీ చేయండి. రాపిడ్-యాక్టింగ్, షార్ట్-యాక్టింగ్, మరియు కొన్ని లాంగ్-యాక్టింగ్ రకాలు స్పష్టంగా ఉండాలి. ఎక్కించగల ఇన్సులిన్ యొక్క ఇతర రూపాలు అపారదర్శకంగా కనపడాలి అయితే గడ్డలు ఉండకూడదు.

ఒక వేళ మీతో పాటు ఒక సీసాను తీసుకొని పోతే, దాన్ని కదిలించకుండా జాగ్రత్త వహించాలి. అది గాలి బుడగలను ఏర్పరుచలదు, అది ఒక ఇంజక్షన్ కొరకు తీసే ఇన్సులిన్ పరిమాణాన్ని ప్రభావితం చేస్తుంది.

మీరు పీల్చే ఇన్సులిన్ ను ఉపయోగిస్తే ప్యాకేజీ మీద వున్న నిర్దేశం ప్రకారంగా నిల్వ చేయండి. మీరు వాటిని ఉపయోగించడం ప్రారంభించడానికి సిద్ధం అయ్యేంత వరకు మీరు సీల్దు ప్యాక్ ను రెఫ్రిజి రేటర్ లో ఉంచాలి.      మీరు వాటిని రెఫ్రిజి రేటర్ లో ఉంచక పోతే ఖచ్చితంగా 10 రోజుల్లో వాటిని ఉపయోగించాలి.  తెరచిన ప్యాక్ ను మీరు రెఫ్రిజి రేటర్ లో ఉంచవచ్చు, అయితే మీరు వాటిని వుపయోగించడానికి ముందు క్యాట్రిడ్జస్ 10 నిముషాల పాటు రూమ్ టెంపరేచర్ లో వుండాలి.

16) నేను ఇన్సులిన్ ను ఎప్పుడు తీసుకోవాలి?

మీ డయాబెటాలజిస్ట్ యొక్క సలహాను అనుసరించండి. మీ ఇన్సులిన్ షాట్ మరియు భోజనం మధ్య సమయం యొక్క పొడవు మీరు ఉపయోగించే ఇన్సులిన్ యొక్క రకాన్ని బట్టి మారవచ్చు. ఉదాహరణకు, మీరు ఒక వేళ రాపిడ్-యాక్టింగ్ రకం ఉపయోగిస్తే, బహుశా మీరు దానిని భోజనానికి 10 నిమిషాల ముందు తీసుకుంటారు, లేదా మీ భోజనంతో తీసుకోండి.

మీరు రేగులర్- లేదా ఇంటర్మీడియట్ యాక్టింగ్ ఇన్సులిన్ ను ఉపయోగిస్తే, మీరు సాధారణంగా మీ భోజనానికి ఒక అరగంట ముందు తీసుకోండి లేదా పడుకునేటప్పుడు. మీరు భోజనానికి ఒక అర్థ గంట ముందు మీ ఇన్సులిన్ తీసుకుంటే, మీ ఆహారాన్ని గ్రహించే సమయంలోనే ఇన్సులిన్ పనిచేయడం మొదలుపెడుతుంది. ఇది మీకు తక్కువ రక్తంలో చక్కెర ప్రతిచర్యలు నివారించడానికి సహాయం చేస్తుంది.

17) ఎలా ఇన్సులిన్ ను ఎక్కించుకోవాలి?  

ఇన్సులిన్ సప్లైస్ ను సేకరించండి

శుభ్రమైన, పొడిగా వుండే పని చేసే ప్రాంతాన్ని ఎంపిక చేసుకోండి, మరియు క్రింది ఇన్సులిన్ సప్లైస్ ను సేకరించండి:

  • ఇన్సులిన్ బాటిల్
  • స్టెరైల్ చేయబడిన ఇన్సులిన్ సిరంజి (సూది జత చేయబడి) రేపర్ తొలగించబడి
  • రెండు ఆల్కహాల్ వైప్స్ (లేదా కాటన్ బాల్స్  మరియు మర్ధన చేసే ఆల్కహాల్ బాటిల్)
  • ఉపయోగించిన పరికరాల కొరకు ఒక కంటైనర్ (ఒక గట్టి ప్లాస్టిక్ లేక లోహ కంటైనర్ మీద నట్టు లేక గట్టి రక్షణ మూతతో లేక ఒక కమర్షియల్ ” షార్ప్స్” కంటైనర్)

సబ్బుతో మరియు వేడి నీటితో చేతులు కడుగుకోండి మరియు ఒక శుభ్రమైన టవల్ తో వాటిని తుడుచుకోండి.

ఇన్సులిన్ ను మరియు సిరంజిని సిద్ధం చేసుకోండి.

  • ఇన్సులిన్ సీసా నుండి ప్లాస్టిక్ క్యాప్ ను తొలగించండి.
  • ఇన్సులిన్ ను కలుపుటకు మీ చేతుల మధ్య రెండు మూడు సార్లు ఇన్సులిన్ సీసా ను త్రిప్పండి. ఆ బాటిల్ ని వూపవద్దు, ఎందుకంటే గాలి బుడుగలు వస్తాయి మరియు తీయబడిన ఇన్సులిన్ పరిమాణాన్ని ప్రభావితం చేయవచ్చు.
  • ఇన్సులిన్ బాటిల్ పైన వుండే రబ్బర్ భాగాన్ని ఆల్కహాల్ ప్యాడ్ తో లేక ఆల్క హాల్ లో ముంచబడిన కాటన్ బాల్స్ తో తుడవండి.
  • ఒక చదునైన ఉపరితలంపై సమీపంలో ఇన్సులిన్ సీసా ను ఏర్పాటు చేయండి.
  • సూది నుండి క్యాప్ ను తొలగించండి.
  • ప్లంగర్ ని వెనక్కి లాగడం ద్వారా కావలసినన్ని యూనిట్ల గాలిని సిరంజిలోని తీసుకోండి. మీరు ఎక్కించుకునే ఒక ఇన్సులిన్ కు సరిపోయేంత గాలిని మీ సిరంజిలోకి తీసుకోవలెను. ఎల్లప్పుడూ ప్లంగర్ యొక్క ఎగువ నుండి కొలవండి.
  • ఇన్సులిన్ సీసా యొక్క రబ్బరు స్టాపర్ లోకి సూదిని కుచ్చండి. సీసాలోకి గాలిని ఎక్కించుటకు ప్లంగర్ ని క్రిందకి నెట్టండి (ఇది ఇన్సులిన్ ని చాలా సులభంగా తీసుకొనుటకు అనుమతిస్తుంది). సీసాలో సూదిని వదిలివేయండి.
  • సీసాను మరియు సిరంజిని తలకిందులుగా త్రిప్పండి. ఇన్సులిన్ సూదిని కప్పేటట్లు చూడండి.
  • అవసరమైన యూనిట్ల కోసం ప్లంగర్ ని వెనుకకు లాగండి (ప్లంగర్ ని ప్లంగర్ పై నుండి కొలవండి).
  • సిరంజిని గాలి బుడగలు కోసం తనిఖీ చేయండి. సిరంజిలోని గాలి బుడగలు ఒక వేళ లోపలికి పోతే హాని చేయవు చేయవు, కానీ అవి సిరంజిలోని ఇన్సులిన్ మొత్తాన్ని తగ్గిస్తాయి. గాలి బుడగలను తొలగించడానికి సిరంజిని తట్టండి అప్పుడు గాలి బుడగలు పైకి చేరుతాయి మరియు గాలి బుడగలను తొలగించడానికి ప్లంగర్ ని నొక్కుతాయి. మోతాదును తిరిగి తనిఖీ చేయండి మరియు అవసరమైతే సిరంజికి మరింత ఇన్సులిన్ ను జోడించండి.
  • ఇన్సులిన్ సీసా నుండి సూదిని తొలగించండి. జాగ్రత్తగా సూది మీద క్యాప్ ను తిరిగి పెట్టండి.
  • మీరు ఇప్పుడు ఇన్సులిన్ ఎక్కించుటకు సిద్ధంగా ఉన్నారు. క్రింద జాబితా చేయబడిన దశలను అనుసరించండి.

ఇన్సులిన్ ఇంజెక్షన్ సైట్లను తిప్పండి

మధుమేహం కొరకు మీరు రోజూ ఇన్సులిన్ ను వేసుకోవలసి ఉంటుంది కాబట్టి, మీరు అది ఎక్కడ వేసుకోవలెను మరియు మీ ఇంజక్షన్ సైట్లను ఎలా రొటేట్ (కదలిక) చేయాలో మీరు తెలుసుకోవలసిన అవసరం వుంది. మీ ఇంజక్షన్ సైట్లను తిప్పడం ద్వారా, మీరు మీ ఇంజెక్షన్లను సులభంగా, సురక్షితంగా మరియు మరింత సౌకర్యవంతముగా చేసుకోవచ్చును. ఒక వేళ అదే ఇంజక్షన్ సైట్ ను మళ్ళీ మళ్ళీ ఉపయోగిస్తే, చర్మం కింద గట్టిపడి, అది ఇన్సులిన్ ను సరిగా వాడబడకుండా చేస్తుంది.

ముఖ్యమైనది: స్వయంగా ఇంజెక్షన్ చేసుకోవడం కొరకు మీ శరీరం మీది ముందు సైట్లను మాత్రమే ఉపయోగించండి. ఇంకెవరైనా మీకు ఇంజక్షన్ ఇస్తుంటే సైట్ల్లో దేనిలోనైనా వాడవచ్చు.

ఈ మార్గదర్శకాలను అనుసరించండి:

  • మీరు ఏ సైట్లను ఉపయోగించాలని మీ డయాబెటాలజిస్ట్ ను అడగండి.
  • ప్రతి ఇంజక్షన్ సైట్ ను మార్చండి. గత ఇంజక్షన్ సైట్ నుండి కనీసం 1½ అంగుళాలు దూరంగా ఇంజెక్ట్ చేయించుకోండి.
  • ప్రతిరోజూ ఒకటే సమయములో ఒకటే సాధారణ ఇంజక్షన్ ప్రాంతమును వుపయోగించడానికి ప్రయత్నించండి. (ఉదాహరణకు, మధ్యాహ్న భోజనానికి ముందు పొట్టకు ఇంజక్షన్ వేసుకోండి). గమనిక: చేతులు, తొడలు, పిరుదులు తరువాత పొట్ట ఇన్సులిన్ ను వేగంగా గ్రహిస్తుంది.
  • మీరు ఏ ఇంజక్షన్ సైట్లను ఉపయోగించారనే రికార్డును ఉంచుకోండి.

ఇంజక్షన్ సైట్ ను ఎంచుకోండి మరియు శుభ్రంగా ఉంచుకోండి.

మీ ఇన్సులిన్ షాట్ కోసం ఒక ఇంజక్షన్ సైట్ ను ఎంచుకోండి.

కీళ్ళు, గజ్జ ప్రాంతం, బొడ్డు, పొట్ట మధ్యలో, లేదా మచ్చల సమీపంలో ఇంజెక్ట్  చేయవద్దు.

ఒక వృత్తాకార చలనంలో ఇంజక్షన్ సైట్ ను ఆల్కహాల్ వైప్ తో లేక రబ్బింగ్ ఆల్కహాల్ లో ముంచిన ఒక దూది వుండతో(మీ చర్మం మీద సుమారు 2 అంగుళాలు) శుభ్రం చేయండి. ఆల్కహాల్ వైప్  లేదా దూది ఉండను సమీపంలో వదిలేయండి.

ఇన్సులిన్ ను ఇంజెక్ట్ చేయండి

మీరు రాసే చేతిని ఉపయోగించి, సిరంజి యొక్క బారెల్ ను (క్రిందికి వున్న సూది కొనతో) పెన్ను లాగా పట్టుకోండి, ప్లంగర్ మీద మీ వేలును పెట్టకుండా జాగ్రత్తగా వుండండి.

సూది యొక్క క్యాప్ ను తొలగించండి.

మీ ఇంకొక చేతితో, శుభ్రం చేసిన ఇంజక్షన్ సైట్ రెండు ప్రక్కలా ఒక రెండు- మూడు ఇంచీల చర్మాన్ని సున్నితంగా గిచ్చండి.

సూదిని తొందరగా బలంగా గిచ్చబడిన చర్మంలోకి 90 డిగ్రీల కోణంలో కుచ్చండి(చక్కగా పైకి మరియు కిందకు). ఆ సూది మొత్తం చర్మంలోకి పోవాలి.

మొత్తం ఇన్సులిన్ సిరంజిలోనుంచి బయటికి వచ్చేంతవరకు సిరంజి యొక్క ప్లంగర్ ను నెట్టండి.

త్వరగా సూదిని బయటకు లాగండి. ఇంజక్షన్ సైట్ ను రుద్దవద్దు. ఇంజక్షన్ చేసిన తర్వాత మీకు రక్తం రావచ్చు లేక రాకపోవచ్చు. మీకు రక్తం కారుతూ ఉంటే, చిన్న ఒత్తిడితో ఆల్కహాల్ వైప్ తో తుడవండి. అవసరమైతే ఇంజక్షన్ సైట్ ను బ్యాండేజ్ తో కవర్ చేయండి.

సిరంజి మరియు సూదిని పారవేయండి

సూదికి క్యాప్ పెట్టవద్దు. సిరంజి మరియు సూది మొత్తాన్ని ఉపయోగించిన “షార్ప్స్” సరంజామా కొరకు వుండే మీ కంటైనర్ లో వేయండి. కంటైనర్ పూర్తిగా నిండిప్పుడు, దాని మీద మూత పెట్టండి లేదా దానిపై కప్పండి మరియు దానిని చెత్తతో పాటు బయట పడేయండి.

రీసైక్లింగ్ బిన్ లో ఈ కంటైనర్ ను పెట్టవద్దు. కొన్ని కమ్యూనిటీలు నిర్దిష్ట పారవేసే చట్టాలను కలిగి ఉంటాయి. మీ కమ్యూనిటీలో నిర్దిష్ట పారవేసే సూచనల కోసం మీ స్థానిక ఆరోగ్య విభాగంతో తెలుసుకోండి.

18) ఇన్సులిన్ ఇంజెక్షన్ తీసుకునేటప్పుడు నొప్పిని ఎలా నివారించవచ్చు?

అనేక మంది మధుమేహగ్రస్తులు ఇన్సులిన్ ను ఎక్కించుకునేటప్పుడు నొప్పి గురించి భయపడతారు. ఇన్సులిన్ ను ఎక్కించుకునేటప్పుడు నొప్పిని నివారించడానికి లేదా తగ్గించడానికి సహాయపడే అనేక పద్ధతులు వున్నాయి.

  • మీరు ఇంజెక్ట్ చేస్తున్న పై భాగంలోని కండరాలు సడలించబడేలా చూసుకోవడం అనేది మీరు ఇంజెక్ట్ చేస్తున్న ప్రదేశంలో కొవ్వు బాగా కవర్ కావడానికి అనుమతిస్తుంది.
  • గది ఉష్ణోగ్రత వద్ద వుండే ఇన్సులిన్ మరియు ఒక సూదిని ఉపయోగించండి.
  • త్వరగా సూదిని లోపలికి కుచ్చండి.
  • మీరు సూదిని ఎక్కించుకునేటప్పుడు లేక వెనక్కి తీసుకునేటప్పుడు సూదిని అటు ఇటు కదిలించడానికి ప్రయత్నించవద్దు.
  • ఎల్లప్పుడూ ఒక కొత్త సూదిని ఉపయోగించండి.

ఇంజెక్ట్ చేసిన తర్వాత కొద్దిగా రక్తం బయటకు రావడాన్ని మీరు గమనించగలరు.

ఇది ఆందోళన పడేది కాదు, కేవలం ఒక చిన్నసూది రక్త నాళం ద్వారా పోయింది అని దీని అర్థం.

ఇది జరిగితే, కింద ఉన్న రక్తం నుండి మీరు మీ చర్మం పై ఒక ఎత్తైన ప్రాంతాన్ని గమనించవచ్చు కానీ ఇది రాబోయే కొన్ని గంటల తరువాత తగ్గిపోవాలి మరియు కొన్ని రోజుల పాటు మీకు ఒక చిన్న చర్మ గాయము మిగిలిపోతుంది.

మధుమేహం వున్న అనేక మందికి, ఇన్సులిన్ తీసుకోవడం దినచర్యలో భాగం – మరియు ఇన్సులిన్ తో మీరు బాగా జీవించవచ్చు. మీ జీవనశైలికి సరిపోయేందుకు అనేక ఇన్సులిన్ చికిత్స ఎంపికలు అందుబాటులో ఉన్నాయి. మీ ఇన్సులిన్ చికిత్స గురించి సౌకర్యవంతంగా ప్రశ్నలను అడగడానికి మీరు మీ డయాబెటాలజిస్ట్ తో దగ్గరగా పనిచేయడం అనేది కీలకం.

తిరిగి షుగర్ వ్యాధి గైడ్కు