నేను మూత్ర పిండాల వైఫల్యంతో జీవించడం గురించి ఏమి తెలుసుకోవలసిన అవసరం వుంది

మూత్రపిండాల వైఫల్యం అంటే ఏమిటి మరియు దానికి ఎలా చికిత్స చేస్తారు?

మూత్రపిండాల  వైఫల్యం అంటే మీ మూత్రపిండాలు ఇకపై వాటి పనిని చేయడానికి తగినంత బాగా పని చేయవు అని అర్థం. పాడైపోయిన మీ మూత్రపిండాలు చేయడం ఆపివేసిన పనిని భర్తీ చేయుటకు మీకు చికిత్స అవసరం. మూత్రపిండాల వైఫల్యానికి చికిత్సలు

• హీమోడయాలసిస్
• పెరిటోనియల్ డయాలసిస్
• మూత్రపిండ మార్పిడి

మిమ్మల్ని ఆరోగ్యంగా ఉంచడానికి మీ మూత్రపిండాలు వ్యర్ధాలను మరియు మీ రక్తం నుండి అదనపు ద్రవాన్ని వడపోస్తాయి. వ్యర్ధాలు మరియు అదనపు ద్రవము మూత్రంగా మారి మీరు మూత్రవిసర్జన చేసే వరకు మీ బ్లాడర్ లో నిల్వ చేయబడుతుంది. మీ మూత్రపిండాలు విఫలమైనప్పుడు, మీ పాడైపోయిన మూత్రపిండాలు ఇకపై చేయలేని పనిలో కొంత భాగాన్ని డయాలసిస్ చేస్తుంది. మీరు ఈ క్రింది వాటిని చేయడం ద్వారా చికిత్సలు బాగా పనిచేసేటట్లు చేయవచ్చు

• మీ చికిత్స షెడ్యూల్ కు అంటిపెట్టుకొని వుండడం
• మీ డాక్టర్ సూచించిన అన్ని మందులు తీసుకోవడం
• మీ రక్తంలో వ్యర్ధాలు పేరుకుపోకుండా నివారించే ప్రత్యేక డైట్ ను అనుసరించడం
• వారంలో చాలా రోజులు చురుకుగా ఉండటం

హీమోడయాలసిస్

హీమోడయాలసిస్ పాడైపోయిన మూత్రపిండాల కొరకు వాడే ఒక చికిత్స. హీమోడయాలసిస్ లో మీ రక్తంను శుద్ధి చేయుటకు మీ శరీరం వెలుపల ఒక యంత్రంను ఉపయోగిస్తారు. మొదట, ఒక డయాలసిస్ నర్సు  రెండు సూదులను మీ చేతిలోకి కుచ్చుతుంది. హీమోడయాలసిస్ యంత్రం మీది పంప్ రెండింటిలో ఒక సూది ద్వారా మీ రక్తంను ఒక గొట్టంలోకి తీసుకుంటుంది. ఆ గొట్టం డయలైజర్ అని పిలువబడే ఒక ఫిల్టర్ కు రక్తంను  తీసుకువెళుతుంది. డయలైజర్ లోపల మీ రక్తం స్ట్రాస్ మాదిరి వుండే సన్నని ఫైబర్స్ ద్వారా ప్రవహిస్తుంది. వ్యర్ధాలు మరియు అదనపు ద్రవం ఫైబర్స్ లోని చిన్న రంధ్రాల ద్వారా రక్తం నుండి బయటకు వస్తాయి.  అప్పుడు, ఇంకొక గొట్టం శుద్ధి చేయబడిన రక్తంను రెండవ సూది ద్వారా తిరిగి మీ శరీరానికి చేరవేస్తుంది.

 పెరిటోనియల్ డయాలిసిస్

పెరిటోనియల్ డయాలసిస్ అని పిలువబడే డయాలిసిస్ యొక్క ఇంకొక రూపం, మీ శరీరం లోపల మీ రక్తాన్ని ఫిల్టర్ చేయడానికి మీ కడుపు యొక్క పొరను ఉపయోగిస్తుంది.ఒక డాక్టర్ మీరు చికిత్స ప్రారంభించడానికి కొన్ని వారాల ముందు మీ కడుపులో కాథెటర్ అని పిలువబడే ఒక మృదువైన ట్యూబ్ ను ఉంచుతాడు. మీరు కాథెటర్ ద్వారా ఒక ప్లాస్టిక్ సంచి నుంచి డయాలసిస్ సొల్యూషన్ ను మీ కడుపు లోపలి ఖాళీ స్థలం లోకి ఖాళీ చేస్తారు. డయాలసిస్ సొల్యూషన్ మీ శరీరం నుండి వ్యర్ధాలు మరియు అదనపు ద్రవాన్ని పీల్చుకుంటుంది.  కొన్ని గంటల తర్వాత, ఉపయోగించిన డయాలసిస్ సొల్యూషన్ ను   మీరు  మరొక బ్యాగ్ లోకి పడేస్తారు.  అప్పుడు మీరు ఒక కొత్త డయాలసిస్ సొల్యూషన్  బ్యాగ్ తో మొదలుపెడతారు.

పెరిటోనియల్ డయాలసిస్

మూత్రపిండాల మార్పిడి 

ఒక మూత్రపిండ మార్పిడి అనేది మరో వ్యక్తి నుండి ఒక ఆరోగ్యకరమైన మూత్రపిండాన్ని మీ శరీరంలో ఉంచుతుంది. మూత్రపిండం అప్పుడే మరణించిన ఎవరో ఒకరి నుండి రావచ్చు. మీ డాక్టర్ ఒక మూత్రపిండం కొరకు వేచి ఉండే వారి జాబితాలో మీ పేరును ఉంచుతాడు. ఒక కుటుంబ సభ్యుడు లేదా స్నేహితుడు మీకు ఒక మూత్రపిండంను ఇవ్వగలగవచ్చు. అప్పుడు మీరు వేచి ఉండనవసరం లేదు.

మూత్రపిండాల మార్పిడి

క్రొత్త మూత్రపిండం మీ రక్తాన్ని ఫిల్టర్ చేయడాన్ని నిర్వహిస్తుంది. పాడైపోయిన మూత్రపిండాలు సాధారణంగా అవి ఉండే చోటనే ఉంటాయి. క్రొత్త మూత్రపిండం మూత్రాశయం యొక్క ఒక వైపున, పొత్తి కడుపు ముందు భాగంలో ఉంచబడుతుంది. మీ శరీరం సాధారణంగా బ్యాక్టీరియా వంటి అక్కడ ఉండకూడని దేని మీదనైనా దాడి చేస్తుంది. శరీరం క్రొత్త మూత్రపిండం అక్కడ ఉండకూడదు అని భావిస్తుంది. క్రొత్త మూత్రపిండం మీద దాడి చేయకుండా మీ శరీరాన్ని ఉంచడానికి మీరు ఇమ్యునోసప్రెసంట్స్ (ప్రతిరక్షా నిరోధకాలు) అని పిలువబడే మందులను తీసుకుంటారు.

నాకు సరైన చికిత్స నేను ఎలా ఎన్నుకోవాలి?

మూత్రపిండాల వైఫల్యం కొరకు వాడే వివిధ చికిత్సల గురించి నేర్చుకోవడం అనేది మీ జీవనశైలికి సరిపోయే    దాన్ని ఎంచుకొనుటకు సహాయం చేస్తుంది. ప్రతి చికిత్స యొక్క మంచి మరియు చెడు గురించి తెలుసుకోవడానికి మీ డాక్టర్ మరియు హీమోడయాలసిస్ లేదా పెరిటోనియల్ డయాలసిస్ మీద వున్న వ్యక్తులతో మాట్లాడండి. మార్పిడి నిరీక్షణ జాబితా గురించి మరియు మార్పిడి తర్వాత అవసరం అయిన మందుల గురించి మీ వైద్యుడిని అడగండి. మూత్రపిండ మార్పిడి చేయించుకున్న వ్యక్తులతో మాట్లాడండి మరియు అది వారి జీవితాలను ఏవిధంగా మార్చింది అని అడగండి.

మీరు పని చేస్తూ ఉండాలని ప్లాన్ చేస్తే, పని చేయడాన్ని సులభతరం చేసే చికిత్స ఎంపిక గురించి ఆలోచించండి. కుటుంబం మరియు స్నేహితులతో సమయం గడపడం అనేది మీకు చాలా విలువైనది అయితే, ఏ చికిత్స మీకు అత్యంత ఖాళీ సమయాన్ని అందిస్తుంది అని అడగండి. ఏ చికిత్స మీరు ఆరోగ్యంగా మరియు ఎక్కువ కాలం జీవించడానికి ఉత్తమ అవకాశం ఇస్తుంది అని తెలుసుకోండి.

మీరు ఎంపికల అవకాశాల గురించి ముందుగా మీ వైద్యుడితో మాట్లాడడం అనేది మీరు మీ రక్షణను నియంత్రణలోకి తెచ్చుకొనుటకు సహాయపడుతుంది. మీరు ఎంచుకున్న చికిత్సను అర్థం చేసుకోవడం మరియు మీరు ఈ చికిత్సను అందుకోబోతున్నారు అనే ఆలోచనకు అలవాటుపడడం అనేది కొంత సమయం తీసుకుంటుంది. మీరు ఒక డయాలసిస్ చికిత్స రకాన్ని ఎంచుకుంటే  మరియు అది మీ జీవితానికి బాగా సరిపోదు అని మీరు కనుగొంటే, మీ అవసరాలకు అనుగుణంగా సరిపోయే మరొక రకం డయాలసిస్ చికిత్సను ఎంచుకోవడం గురించి మీ వైద్యుడితో మాట్లడండి.

మూత్రపిండాల వైఫల్యం మీ జీవితంను కష్టతరం చేయగలిగితే, చికిత్సలు మీ జీవితం మెరుగు పరచడానికి  సహాయపడగలవు.

మూత్రపిండాల వైఫల్యం నా జీవితాన్ని ఎలా ప్రభావితం చేస్తుంది?

మూత్రపిండ వైఫల్యం అనేక విధాలుగా మీ జీవితాన్ని ప్రభావితం చేస్తుంది. మీరు ఇంట్లో లేదా పని వద్ద చేస్తుండిన అన్ని పనులను చేయలేరని మీరు కనుగొనవచ్చు. మీకు తక్కువ  శక్తి ఉండవచ్చు లేదా నిరుత్సాహంగా అనిపించవచ్చు. శారీరక సమస్యలలో ఈ క్రిందివి  ఉండవచ్చు

• చీలమండ లేదా కడుపు వాపు
• కడుపులో అనారోగ్యం
• వాంతి చేసుకోవడం
• ఆకలి లేకపోవడం
• అలసిపోయినట్లుగా అనిపించడం
• బలహీనత
• గందరగోళం
• తలనొప్పులు

మూత్రపిండాల వైఫల్యం కలిగి ఉండటం అనేది మీ జీవితాన్ని నియంత్రించాల్సిన అవసరం లేదు. మూత్రపిండాల వైఫల్యం కలిగి ఉండటం అనేది హాబీలు, పని, సామాజిక కార్యకలాపాలు లేదా కుటుంబంతో సమయం గడపడాన్ని వదిలి పెట్టాలి అని అర్థం కాదు.

నేను మూత్రపిండాల వైఫల్యంతో పనిని కొనసాగించగలనా?

అవును, మూత్రపిండాల వైఫల్యంతో వున్న అనేక మంది పని కొనసాగిస్తారు. మీ హీమోడయాలసిస్  సెషన్ల ప్రకారం మీ యజమాని మీకు తేలికైన శారీరక పనులు ఇవ్వవచ్చు లేదా మీ పని గంటలను షెడ్యూల్ చేయవచ్చు. ఒక వేళ మీరు పెరిటోనియల్ డయాలసిస్ మీద ఉంటే పనిరోజు మధ్యలో డయాలసిస్ ద్రావణాన్ని మార్చుకొనుటకు మీకు స్థలం మరియు సమయం అవసరం. చాలా మంది యజమానులు ఈ మార్పులు చేయుటకు  సంతోషంగా వుంటారు.

నేను మూత్రపిండాల వైఫల్యంతో చురుకుగా ఉండవచ్చా?

అవును. మీరు మూత్రపిండాల వైఫల్యం కలిగి ఉన్నప్పుడు ఆరోగ్యకరముగా ఉండుటకు  శారీరక శ్రమ ఒక ముఖ్యమైన భాగం. చురుకుగా ఉండటం అనేది మీ కండరాలు, ఎముకలు, మరియు గుండెను దృఢంగా చేస్తుంది. శారీరక శ్రమ మీ రక్తం వేగంగా ప్రవహించునట్లు కూడా మీ చేస్తుంది  అందువల్ల మీ శరీరానికి ఎక్కువ ఆక్సిజన్ అందుతుంది. ఆహారం నుండి శక్తిని ఉపయోగించుకొనుటకు మీ శరీరానికి ఆక్సిజన్   అవసరం. మీరు డయాలసిస్ మీద వుంటే, డయాలసిస్ వాటిని తొలగించుట కొరకు మరిన్ని వ్యర్థాలు మీ రక్తంలోకి పోవుటకు శారీరక శ్రమ సహాయ పడగలదు.

శారీరక శ్రమ మీ మానసిక స్థితిని మెరుగు పరుస్తుంది మరియు మీరు బాగున్నారనే భావాన్ని ఇస్తుందని కూడా మీరు కనుగొంటారు.

మీరు ఒక వ్యాయామ దినచర్యను మొదలు పెట్టే ముందు మీ వైద్యునితో మాట్లాడండి. ఒక సాధారణ వేగంతో నడవడం లేక తోటపని వంటి సులభమైన చర్యలతో నెమ్మదిగా మొదలు పెట్టండి. వేగంగా నడవడం లేక ఈత కొట్టడం లాంటి కఠినమైన చర్యల వరకు పని చేయండి. వారానికి చాలా రోజులు కనీసం 30 నిముషాల వ్యాయామాన్ని లక్ష్యంగా పెట్టుకోండి.

మూత్రపిండాల వైఫల్యాన్ని ఎదుర్కోవడానికి నేను ఎక్కడ సహాయాన్ని పొందవచ్చు?

మీరు డయాలసిస్ ప్రారంభించినప్పుడు లేదా ఒక ట్రాన్స్ ప్లాంట్ సెంటర్ కు సూచించబడినప్పుడు, మీకు సహాయపడగల అనేక మందిని కలుస్తారు. ఈ వ్యక్తులతో మీ ఆరోగ్య సంరక్షణ జట్టు తయారు చేయబడుతుంది. మీ ఆరోగ్య సంరక్షణ జట్టు మూత్రపిండాల వైఫల్యం వలన కలిగే మానసిక మరియు శారీరక సమస్యలు మరియు మార్పులకు మీకు సహాయపడుతుంది. సహాయం కోసం అడగడం బలహీనతకు ఒక సంకేతం కాదు. మీ ఆందోళనల గురించి  మీ కుటుంబం, స్నేహితులు, మరియు  ఆరోగ్య సంరక్షణ జట్టుతో మాట్లాడండి.

వైద్యుడు. మీ వైద్యుడు మూత్రపిండాల వైఫల్యం వల్ల జరిగే శారీరక మరియు మానసిక ఆరోగ్య సమస్యలకు మీకు సహాయపడవచ్చు. మీరు డయాలసిస్ ప్రారంభించిన లేదా ట్రాన్స్ ప్లాంట్ శస్త్రచికిత్స నుండి కోలుకున్న తర్వాత మీరు మీ వైద్యుడిని తరచుగా కలుస్తారు. కొంత కాలం తర్వాత, మీరు మీ వైద్యుడిని క్రమం తప్పకుండా కలుస్తారు, అయితే చికిత్స ప్రారంభంలో కంటే తక్కువ తరచుగా. మీరు ట్రాన్స్ ప్లాంట్ చేయించుకొని ఉంటే, మీరు మీట్రాన్స్ ప్లాంట్ శస్త్రచికిత్స తర్వాత మొదటి 6 నెలల సమయంలో ఒక నెలలో ఒకసారి లేదా రెండుసార్లు మీ వైద్యుడిని కలుస్తారు. అప్పుడు, మీ కొత్త మూత్రపిండంతో అంతా బాగా  జరిగితే ప్రతీ 6 నెలలకు ఒకసారి మాత్రమే మీరు మీ వైద్యుడిని కలవవలసిన అవసరం వుంటుంది.

డయాలసిస్ నర్స్. మీరు ఒక డయాలసిస్ కేంద్రంలో హీమోడయాలసిస్ చేయించుకొంటే, మీ డయాలసిస్ నర్స్ మీ చికిత్సను పర్యవేక్షిస్తుంది. నర్స్ మీ రక్తపోటు, పల్స్, మరియు టెంపరేచర్ ను తీసుకుంటుంది; మీ శ్వాసను చూస్తుంది; మరియు మీ ప్రయోగశాల ఫలితాలను వివరిస్తుంది. మీ డయాలసిస్ నర్స్ మీరు మీ మందులు సరిగ్గా తీసునేటట్లు చేస్తుంది మరియు డయాలసిస్ వలన కలిగే దుష్ఫలితాలు తగ్గించుకొనే దారులను కనుగొనుటకు సహాయపడుతుంది. మీరు హొమ్ హీమోడయాలసిస్ లేదా పెరిటోనియాల్ డయాలసిస్ చేసుకుంటే, మీ డయాలసిస్ నర్స్ మీ వైద్యాన్ని ఎలా సెట్ అప్ చేసుకోవాలి, పరికరాలను ఎలా జాగ్రత్తగా చూసుకోవాలి అని నేర్పుతుంది మరియు ఇన్ఫెక్షన్స్ కొరకు లేక ఇతర సమస్యల కొరకు చూస్తుంది.

ట్రాన్స్ప్లాంట్ కోఆర్డినేటర్.  ట్రాన్స్ప్లాంట్ కోఆర్డినేటర్స్ మార్పిడి అవసరం వున్న వ్యక్తులతో పనిచేస్తారు. సాధారణంగా వారు ట్రాన్స్ప్లాంటేషన్లో ప్రేత్యేక శిక్షణ పొందిన నర్సులై  వుంటారు. మీ మార్పిడి సమన్వయకర్త మార్పిడి ప్రక్రియలో మీకు మార్గనిర్దేశం చేస్తాడు, మీ మొదటి శారీరక పరీక్ష ఏర్పాటు చేయడం మరియు మూత్రపిండ మార్పిడి వెయిటింగ్ జాబితాలో మిమ్మల్ని ప్రవేశపెట్టడం నుండి ఒక సరిపోలే మూత్రపిండం కనుగొనబడినప్పుడు మీకు కాల్ చేసి మార్పిడి శస్త్రచికిత్స కోసం మిమ్మల్ని సిద్ధం చేసే వరకు. ఈ క్రిందివి చేయడం ద్వారా మార్పిడి సమన్వయకర్త మార్పిడి తర్వాత కూడా మీతో కలసి పని చేస్తాడు

• మీ తదుపరి సంరక్షణను షెడ్యూల్ చేయడం
• మీ క్రొత్త మూత్రపిండాన్ని ఎలా జాగ్రత్త చూసుకోవాలి మరియు రక్షించుకోవాలి అని బోధించడం
• మందుల యొక్క దుష్ప్రభావాలను ఎదుర్కోవడానికి మార్గాలు కనుగొనేందుకు మీకు సహాయం చేయడం

రీనల్ డైటీషియన్. రీనల్ డైటీషియన్లు మీ న్యూట్రీషియన్ అవసరాలు మరియు మీరు ఎందుకు కొన్ని ఆహారాలను వదిలిపెట్టాలి లేదా పరిమితం చేయాలి అనే దాని గురించి మీరు తెలుసుకోవడానికి సహాయ పడతారు. ఒక రీనల్ డైటీషియన్ మీరు ఆస్వాదించే ఆరోగ్యకరమైన భోజనాలను ప్లాన్ చేయడంలో మీకు సహాయం చేస్తాడు.

రీనల్ సోషల్ వర్కర్. డయాలసిస్ కేంద్రాలలో డయాలసిస్ మీద వున్నలేదా మార్పిడి చేయించుకున్న వ్యక్తులతో పనిచేసే రీనల్ సోషల్ వర్కర్ అని పిలిచే ఒక సోషల్ వర్కర్ వుంటాడు.  రీనల్ సోషల్ వర్కర్ ఈ సమస్యలకు జవాబులు కనుగొనుటకు సహాయ పడుతాడు

• ఉద్యోగంలో వుండడం లేదా ఉద్యోగాలు మార్చడం
• ఆర్థిక సమస్యల గురించి సహాయం పొందడం
• రవాణాకు లేక ఇంటి పనులకు సహాయ పడే సేవలను కనుగొనడం
• కుటుంబ లేదా దంపతుల సమస్యలను పరిష్కరించే కౌన్సిలింగ్ సేవలను కనుగొనడం

మానసిక ఆరోగ్య సలహాదారు / మానసిక వైద్యుడు

మీ ఆరోగ్య సంరక్షణ జట్టు మిమ్మల్ని ఒక మానసిక ఆరోగ్య సలహాదారు లేదా మానసిక వైద్యుడిని కలవమని  సిఫారసు చేయవచ్చు. మానసిక ఆరోగ్య సలహాదారు మీతో మాట్లాడటం ద్వారా ఒత్తిడి మరియు ఇతర మానసిక ఆరోగ్య సమస్యల విషయంలో సహాయపడతాడు మరియు ఒత్తిడి, అనారోగ్య ఆలోచనలు మరియు ప్రవర్తనలను పరిష్కరించేందుకు మార్గాలు సూచిస్తాడు. సైకియాట్రిస్ట్ అంటే డిప్రెసన్ లాంటి మానసిక ఆరోగ్య సమస్యలతో వున్నవారికి సహాయం చేయడానికి మరియు ఆవసరమైతే మందులను సూచించడానికి శిక్షణ పొందిన ఒక వైద్యుడు.

కుటుంబం మరియు స్నేహితులు. మూత్రపిండాల వైఫల్యం వల్ల కలిగే సమస్యలు మరియు మార్పులను సమర్దవంతంగా ఎదుర్కొనుటకు  సహాయం చేసేది మీ ఆరోగ్య సంరక్షణ జట్టు సభ్యులు మాత్రమే కాదు. కుటుంబం మరియు స్నేహితుల ఒక బలమైన మద్దతు వ్యవస్థను కలిగి ఉండడం అనేది సమస్యలు మరియు జీవిత మార్పులతో వ్యవహరించడాన్ని సులభతరం చేయగలదు. మీ స్నేహితులను  చూడడం ఆపడానికి ఇది సమయం కాదు. స్నేహితులతో సమయం గడపాలి లేదా వారితో ఫోన్ లేదా ఇమెయిల్ ద్వారా సన్నిహితంగా వుండాలి అని నిర్ధారించుకోండి. సోషల్  ఫంక్షన్లు మరియు కమ్యూనిటీ ఈవెంట్స్ కు హాజరు అవ్వండి.

మీరు. మీకు ఎలా చికిత్స చేయించుకోవాలని ఉంది అని మీ ఆరోగ్య సంరక్షణ జట్టుకు మీరు తెలియచేయడం  ద్వారా మీ ఆరోగ్య సంరక్షణ నాణ్యతను మెరుగుపరచవచ్చు. మీ వైద్యుడు లేదా నర్స్ మీకు ఏదైనా చెప్పినప్పుడు అర్థం కాకపోతే ప్రశ్నించడానికి సందేహించవద్దు. డయాలసిస్ సమయంలో మీ కడుపులో కొద్దిగా బాగాలేనట్లు లేదా జబ్బుపడినట్లు భావిస్తే మీ డయాలసిస్ నర్సుకు తెలియజేయండి. ఒకవేళ మీరు హోమ్ హీమోడయాలసిస్ లేదా పెరిటోనియాల్ డయాలసిస్ చేస్తే, మీ పరికరాలు లేదా సామాగ్రిలో ఏవైనా సమస్యలు వుంటే మీ డయాలసిస్ నర్సుకు చెప్పండి. మీరు ట్రాన్స్ ప్లాంట్ చేయించుకొనివుంటే, ఒక వేళ మీ మందులు జీర్ణ సమస్య లేక ఇతర దుష్ప్రభావాలకు కారణమైతే మీ ట్రాన్స్ ప్లాంట్ కోఆర్డినేటర్ కు చెప్పండి. మీ మందులు తీసుకోవడం మరియు మీ అపాయింట్మెంట్లను పర్యవేక్షించే బాధ్యత మీదే.  మీ సొంత వైద్య సంరక్షణ బాధ్యతలు తీసుకొనడం అనేది మీరు మీ జీవితం యొక్క నియంత్రణలో ఎక్కువ వున్నట్లు మీకు అనిపించడానికి సహాయం చేస్తుంది.

మీకు ఎలా చికిత్స చేయించుకోవాలని ఉంది అని మీ ఆరోగ్య సంరక్షణ జట్టుకు మీరు తెలియచేయడం  ద్వారా మీ ఆరోగ్య సంరక్షణ నాణ్యతను మెరుగుపరచవచ్చు.

మూత్రపిండాల వైఫల్యం కుటుంబాలలో వంశపారంపర్యంగా వస్తుందా?

అవును, మూత్రపిండాల వైఫల్యం కుటుంబాలలో వంశపార్యంపరంగా వస్తుంది కాబట్టి మీ రక్త సంబంధీకులు    ప్రమాదంలో ఉన్నారు. మీరు వారి ప్రమాదం గురించి వారితో మాట్లాడటం ద్వారా మూత్రపిండాల వైఫల్యం   రాకుండా నివారించడానికి మీ బంధువులకు సహాయపడగలరు. మీ కుటుంబ సభ్యులకు ఇప్పటికే దీర్ఘకాలిక మూత్రపిండాల వ్యాధి (CKD) వుండవచ్చు, దాని అర్థం వారి మూత్రపిండాలు పాడైపోయి  మరియు అవి చేయాల్సినట్టు సరిగ్గా పని చేయవు. CKD కాలక్రమేణా తీవ్రతరమవుతుంది. CKD తరచుగా, ఎల్లప్పుడూ కానప్పటికీ, మూత్రపిండాల వైఫల్యానికి దారితీస్తుంది. తరచుగా CKD లక్షణాలు కనబడవు, కాబట్టి మీ కుటుంబ సభ్యులకు CKD వుందా అని తెలుసుకొనుటకు పరీక్ష చేయించుకోవడమే ఏకైక దారి .  సాధారణ మూత్ర మరియు రక్త పరీక్షలు వారికి CKD ఉంటే చూపగలవు. CKD ని ఎంత తొందరగా కనుగొంటే, రక్తపోటు నియంత్రణకు మరియు మూత్రపిండాల మరింత చెడిపోకుండా నివారించడానికి సహాయ పడగల మందులు తీసుకోవడంతో సహా దీర్ఘ కాలం మూత్రపిండాలను ఆరోగ్యంగా ఉంచుకొనుటకు మీ కుటుంబ సభ్యులు అంత తొందరగా స్టెప్స్ తీసుకొనగలరు. వ్యాయామం మరియు మంచి ఆహారం తినడం అనేవికూడా CKD తీవ్రతరం కాకుండా ఉంచవచ్చు.

తినడం, డైట్ మరియు న్యూట్రిషన్

డయాలసిస్ మీద ఉన్నప్పుడు లేదా మూత్రపిండ మార్పిడి చేయించుకున్నప్పుడు సరైన ఆహారాలు తినడం అనేది మీకు బాగా అనిపించడానికి సహాయపడవచ్చు. మూత్రపిండాల వైఫల్యంతో ఆరోగ్యంగా ఉండడానికి మీ ఆహారంలో ఈ ఎలిమెంట్స్ ఎంత వరకు చొప్పించబడ్డాయి అనేది గమనించడం అవసరం:

• ప్రోటీన్ మీరు తినే అనేక ఆహారాలలో ఉంది. ప్రోటీన్ జంతువులు మరియు మొక్కల నుండి వచ్చే ఆహారాలలో ఉంది. చాలా డైట్లలో రెండు రకాల ప్రోటీన్లు ఉంటాయి. ప్రోటీన్ కండరాలు, అవయవాలు, మరియు శరీరం యొక్క ఇతర భాగాలను నిర్వహించే మరియు మరమ్మత్తు చేసే బిల్డింగ్ బ్లాక్స్ ను అందిస్తుంది. చాలా ఎక్కువ ప్రోటీన్ మీ రక్తంలో వ్యర్థాలు పేరుకుపోవడానికి  కారణమయి మీ మూత్రపిండాలు పని చేయడంను కష్టతరం చేయవచ్చు. అయితే, మీరు హీమోడయాలసిస్ లేదా పెరిటోనియల్ డయాలసిస్ మీద ఉంటే, డయాలసిస్ తొలగించే  ప్రోటీన్ ను తిరిగి భర్తి చేయుటకు మీకు చాలా ప్రోటీన్ అవసరం.
• భాస్వరం మీ ఎముకలను ఆరోగ్యంగా ఉంచే ఒక ఖనిజం. భాస్వరం రక్త నాళాలను మరియు కండరాలను పనిచేస్తూ వుంచుతుంది. ఈ ఖనిజం మాంసం, పౌల్ట్రీ, చేపలు, నట్స్, బీన్స్, మరియు పాల ఉత్పత్తులు వంటి ప్రోటీన్ ఎక్కువ వుండే ఆహారాలలో సహజంగా దొరుకుతుంది. భాస్వరం అనేక ప్రాసెస్ చేయబడిన ఆహారాలకు కలపబడుతుంది. ఆహారాన్ని శక్తి లాగా మార్చుకొనడానికి మీకు భాస్వరం అవసరం; అయితే చాలా ఎక్కువ భాస్వరం, ఎముకలు బలహీనం కావడానికి కారణం కావచ్చు.
• నీరు పండ్లు, కూరగాయలు, ఐస్ క్రీమ్, జెలటిన్, సూప్, మరియు పాప్సికల్స్ వంటి పానీయాలు మరియు ఆహారాలలో వుంటుంది. మీ శరీరానికి నీరు అవసరం; అయితే, చాలా ఎక్కువ నీరు మీ శరీరంలో ద్రవం పేరుకుపోవడానికి కారణమయ్యి మీ గుండె పని చేయుటను కష్టతరం చేస్తుంది.
• సోడియం ఉప్పు యొక్క ఒక భాగం. మీరు అనేక క్యాన్డ్, ప్యాక్డ్ , మరియు ఫాస్ట్ ఫుడ్స్ లో మరియు సిజనింగ్ మరియు మాంసాలలో కనుగొనవచ్చును. మీ శరీరంలోని ద్రవాల మొత్తాన్ని నియంత్రించడంలో సహాయపడడానికి మీకు సోడియం అవసరం; అయితే, చాలా ఎక్కువ సోడియం అధిక రక్తపోటుకు కారణం కావచ్చు.
• పొటాషియం మీ నరాలు మరియు కండరములు సరైన మార్గంలో పని చేయడానికి సహాయపడే ఖనిజం. పొటాషియం నారింజ, అరటిపండ్లు, టమోటాలు, మరియు బంగాళదుంపలు వంటి పండ్లు మరియు కూరగాయలలో కనబడుతుంది. ఆరోగ్యమైన నరములు మరియు మెదడు కణాలు కొరకు మీకు పొటాషియం అవసరం; అయితే, చాలా ఎక్కువ పొటాషియం మీ గుండె కొట్టుకొనుటను అపక్రమం చేయవచ్చు.
• కేలరీలు అన్ని ఆహారాలలో కనిపిస్తాయి మరియు ముఖ్యంగా నూనెలు మరియు చక్కెర పదార్ధాలలో ఎక్కువగా ఉంటాయి. శక్తి కోసం మీకు కేలరీలు అవసరం; అయితే, చాలా ఎక్కువ కేలరీలు బరువు పెరుగుటకు మరియు అధిక రక్తంలో చక్కెరకు కారణం కాగలవు.

మీ కోసం పనిచేసే భోజన ప్రణాళికను కనుగొనడానికి మీ క్లినిక్ యొక్క రీనల్ డైటిషియన్ తో మాట్లాడండి. ప్రతి చికిత్సకూ ఒక భిన్నమైన డైట్ అవసరమవుతుంది. మీరు హీమోడయాలసిస్ మీద ఉంటే, మీరు బంగాళదుంపలు మరియు నారింజ వంటి ఆహారాల నుండి దూరంగా ఉండాలి ఎందుకంటే వాటిలో ఎక్కువ పొటాషియం వుంటుంది. మీరు పెరిటోనియల్ డయాలసిస్ మీద ఉంటే పొటాషియం తినడం మంచిది. బదులుగా, మీరు మీ కేలరీలను చూడవలసిన అవసరం ఉండవచ్చు. మీ ఆహార అవసరాలు మీ బరువు మరియు కార్యాచరణ స్థాయి మీద కూడా ఆధారపడి ఉంటాయి.

మీ డైట్ ను మార్చడం మొదట్లో కష్టం కావచ్చు. సరైన ఆహారాలు తినడం అనేది మీకు బాగా అనిపించడానికి సహాయం చేస్తుంది. మీరు మరింత బలం మరియు శక్తిని కలిగి ఉంటారు. ఎక్కువ శక్తి కలిగి ఉండటం అనేది మీరు సంపూర్ణమైన, ఆరోగ్యకర జీవితం గడపడానికి సహాయపడుతుంది.

 

గుర్తుంచుకోవలసిన పాయింట్లు

• మూత్రపిండాల వైఫల్యం అంటే మీ మూత్రపిండాలు ఇకపై వాటి పనిని చేయడానికి తగినంత బాగా పని చేయవు అని అర్థం.
• మూత్రపిండాల వైఫల్యం కొరకు వాడే వివిధ చికిత్సల గురించి నేర్చుకోవడం అనేది మీ జీవనశైలికి సరిపోయే   దాన్ని ఎంచుకొనుటకు సహాయం చేస్తుంది.
• మూత్రపిండాల వైఫల్యంతో వున్న అనేక మంది పని కొనసాగిస్తారు.
• మీరు మూత్రపిండాల వైఫల్యం కలిగి ఉన్నప్పుడు ఆరోగ్యముగా ఉండడంలో శారీరక శ్రమ ఒక ముఖ్యమైన భాగం.
• మీరు వారి ప్రమాదం గురించి వారితో మాట్లాడటం ద్వారా మూత్రపిండాల వైఫల్యం  రాకుండా నివారించడానికి మీ బంధువులకు సహాయపడగలరు.
• డయాలసిస్ మీద ఉన్నప్పుడు లేదా మూత్రపిండ మార్పిడి చేయించుకున్నప్పుడు సరైన ఆహారాలు తినడం అనేది మీకు బాగా అనిపించడానికి సహాయపడవచ్చు.

తిరిగి షుగర్ వ్యాధి గైడ్కు