హైపోథైరాయిడిజం

హైపోథైరాయిడిజం అంటే ఏమిటి?

హైపోథైరాయిడిజం అనేది థైరాయిడ్ గ్రంధి శరీరం యొక్క అవసరాలను తీర్చేందుకు తగినంత థైరాయిడ్ హార్మోన్ ను తయారు చేయనప్పుడు వచ్చే ఒక రుగ్మత. థైరాయిడ్ హార్మోన్ శరీరం శక్తిని ఉపయోగించుకునే మార్గం అయిన జీవక్రియను క్రమబద్దీకరిస్తుంది మరియు శరీరంలో దాదాపు ప్రతి భాగాన్ని ప్రభావితం చేస్తుంది. తగినంత థైరాయిడ్ హార్మోన్ లేకుండా, శరీరం యొక్క అనేక విధులు మందగిస్తాయి.

థైరాయిడ్ అంటే ఏమిటి?

థైరాయిడ్ 2 అంగుళాల పొడవు, సీతాకోకచిలుక ఆకారంలో ఉండే, 1 ఔన్స్ కంటే తక్కువ బరువు ఉండే ఒక గ్రంధి. మెడ ముందు స్వరపేటిక లేదా వాయిస్ బాక్స్ క్రింద ఉంటుంది. ఇది వాయు నాళము యొక్క రెండు వైపులా ఒకటి చొప్పున రెండు లంబికలను కలిగి వుంటుంది. థైరాయిడ్ అనేది ఎండోక్రైన్ వ్యవస్థను తయారు చేసే గ్రంధులలో ఒకటి. ఎండోక్రైన్ వ్యవస్థ యొక్క గ్రంధులు హార్మోన్లను ఉత్పత్తి చేస్తాయి మరియు నిల్వ చేస్తాయి మరియు రక్తప్రవాహంలోకి వాటిని విడుదల చేస్తాయి. అప్పుడు హార్మోన్లు శరీరం గుండా ప్రయాణిస్తాయి మరియు శరీరం యొక్క కణాల క్రియాశీలతను నిర్దేశిస్తాయి.

థైరాయిడ్ గ్రంధి ట్రైఅయోడోథైరోనిన్ (T3) మరియు థైరాక్సిన్ (T4) అనే రెండు థైరాయిడ్ హార్మోన్లను తయారు చేస్తుంది. T3 అనేది T4 నుండి తయారు చేయబడిన, మరియు కణజాలాన్ని నేరుగా ప్రభావితం చేసే, ఎక్కువ చురుకైన హార్మోన్.  థైరాయిడ్ హార్మోన్లు జీవక్రియ, మెదడు అభివృద్ధి, శ్వాస, గుండె మరియు నాడీ వ్యవస్థ విధులు, శరీర ఉష్ణోగ్రత, కండరాల బలం, చర్మం పొడితనం, ఋతు చక్రాలు, బరువు, మరియు కొలెస్ట్రాల్ స్థాయిలను ప్రభావితం చేస్తాయి.

థైరాయిడ్ హార్మోన్ ఉత్పత్తి అనేది మెదడులోని పిట్యూటరీ గ్రంధి ద్వారా తయారు చేయబడిన థైరాయిడ్-స్టిమ్యులేటింగ్ హార్మోన్ (TSH) ద్వారా నియంత్రించబడుతుంది. రక్తంలోని థైరాయిడ్ హార్మోన్ స్థాయిలు తక్కువగా ఉన్నప్పుడు, పిట్యూటరీ ఎక్కువ TSH ను విడుదల చేస్తుంది. థైరాయిడ్ హార్మోన్ స్థాయిలు ఎక్కువగా ఉన్నప్పుడు, పిట్యూటరీ TSH ఉత్పత్తిని తగ్గించడం ద్వారా స్పందిస్తుంది.

ఏది హైపోథైరాయిడిజంను కలిగిస్తుంది?

హైపోథైరాయిడిజంకు ఈ క్రింది వాటితో సహా పలు కారణాలు ఉన్నాయి,

  • హషిమోతో’స్ వ్యాధి
  • థైరాయిటైస్, లేదా థైరాయిడ్ యొక్క వాపు
  • కంజెనిటల్ హైపోథైరాయిడిజం, లేదా పుట్టుకతో వచ్చే హైపోథైరాయిడిజం
  • శస్త్రచికిత్స ద్వారా థైరాయిడ్ యొక్క ఒక భాగం లేదా మొత్తం థైరాయిడ్ తొలగింపు
  • థైరాయిడ్ యొక్క రేడియేషన్ చికిత్స
  • కొన్ని మందులు

అసాధారణంగా, హైపోథైరాయిడిజం ఆహారంలో చాలా ఎక్కువ లేదా చాలా తక్కువ అయోడిన్ ద్వారా లేదా పిట్యూటరీ గ్రంధి యొక్క అసాధారణతల ద్వారా కలుగుతుంది.

హషిమోతోస్ వ్యాధి

దీర్ఘకాలిక లిమ్ఫోసైటిక్ థైరాయిటైస్ అని కూడా పిలువబడే హషిమోతో’స్ వ్యాధి, భారతదేశంలో హైపోథైరాయిడిజం యొక్క అత్యంత సాధారణ కారణం. హషిమోతో’స్ వ్యాధి థైరాయిడ్ గ్రంధి యొక్క దీర్ఘకాలిక శోథ యొక్క ఒక రూపం. హషిమోతో’స్ వ్యాధి అనేది ఒక స్వయం ప్రతిరక్షక రుగ్మత కూడా.

సాధారణంగా, రోగనిరోధక వ్యవస్థ అనేది అనారోగ్యాన్ని కలిగించగల వైరస్లు మరియు బ్యాక్టీరియా వంటి అన్య ఆక్రమణదారులకు వ్యతిరేకంగా శరీరాన్ని రక్షిస్తుంది. కానీ స్వయం ప్రతిరక్షక వ్యాధులలో, రోగనిరోధక వ్యవస్థ శరీరం యొక్క సొంత కణాలు మరియు అవయవాల మీద దాడి చేస్తుంది. హషిమోతో’స్ వ్యాధి కారణంగా, రోగనిరోధక వ్యవస్థ వాపును కలిగిస్తూ మరియు థైరాయిడ్ హార్మోన్లు ఉత్పత్తి చేసే దాని సామర్థ్యంలో జోక్యం చేసుకుంటూ థైరాయిడ్ మీద దాడి చేస్తుంది.

థైరాయిడైటిస్

నిల్వ చేయబడిన థైరాయిడ్ హార్మోన్ థైరాయిడ్ గ్రంథి నుండి బయటకు లీక్ అయ్యేందుకు థైరాయిడైటిస్ కారణమవుతుంది. మొదట, థైరాయిడ్ హార్మోన్ స్థాయిలు చాలా ఎక్కువగా ఉన్నప్పుడు,1 లేదా 2 నెలల పాటు కొనసాగే హైపర్ థైరాయిడిజంకు దారితీస్తూ, ఆ లీకేజ్ రక్తంలో హార్మోన్ స్థాయిలను పెంచుతుంది. అప్పుడు చాలా మందిలో థైరాయిడ్ పూర్తిగా నయం కాకముందు హైపోథైరాయిడిజం అభివృద్ధి అవుతుంది.

హైపోథైరాయిడిజం తరువాత అనేక రకాల థైరాయిడైటిస్ లు హైపర్ థైరాయిడిజంను కలిగించవచ్చు:

సబ్అక్యూట్ థైరాయిడైటిస్. ఈ పరిస్థితి థైరాయిడ్ యొక్క బాధాకరమైన వాపు మరియు వ్యాకోచంను కలిగి ఉంటుంది. సబ్అక్యూట్ థైరాయిడైటిస్ కు కారణం ఏమిటి అని నిపుణులకు ఖచ్చితంగా తెలియదు, కానీ అది వైరల్, లేదా బ్యాక్టీరియల్ ఇన్ఫెక్షన్ తో సంబంధం కలిగి ఉండొచ్చు.

పోస్ట్ పార్టం థైరాయిడైటిస్. ఈ రకమైన థైరాయిడైటిస్ ఒక మహిళ జన్మనిచ్చిన తర్వాత అభివృద్ధి అవుతుంది. ఎక్కువ సమాచారం కోసం, “గర్భం మరియు థైరాయిడ్ పరిస్థితులతో ఏమవుతుంది?” అనే పేరు గల విభాగాన్ని చూడండి.

సైలెంట్ థైరాయిడైటిస్. థైరాయిడ్ వ్యాకోచించగలిగినప్పటికీ, పోస్ట్ పార్టం థైరాయిడైటిస్ లాగానే, ఇది నొప్పిలేకుండా ఉన్న కారణంగా ఈ రకమైన థైరాయిడైటిస్ ను “సైలెంట్” అని పిలుస్తారు. పోస్ట్ పార్టం థైరాయిడైటిస్ వలె, సైలెంట్ థైరాయిడైటిస్ బహుశా ఒక స్వయం రక్షక స్థితి మరియు కొన్నిసార్లు శాశ్వత హైపోథైరాయిడిజంగా అభివృద్ధి అవుతుంది.

కంజెనిటల్ హైపోథైరాయిడిజం

కొంతమంది పసిపిల్లలు పూర్తిగా అభివృద్ధి  చెందని లేదా సరిగా పనిచేయని థైరాయిడ్ తో జన్మిస్తారు. చికిత్స చేయకుంటే, కంజెనిటల్ హైపోథైరాయిడిజం మెంటల్ రిటార్డేషన్ మరియు పెరుగుదల వైఫల్యం నకు దారి తీయవచ్చు. త్వరిత చికిత్స ఈ సమస్యలను నిరోధించగలదు, కాబట్టి భారతదేశంలో ఎక్కువ మంది నవజాత శిశువులు  హైపోథైరాయిడిజం కొరకు పరీక్షించబడతారు.

శస్త్రచికిత్స ద్వారా థైరాయిడ్ తొలగింపు

థైరాయిడ్ యొక్క ఒక భాగం తీసివేయబడినప్పుడు, మిగిలిన భాగం థైరాయిడ్ హార్మోన్ ను సాధారణ మొత్తాలలో ఉత్పత్తి చేయవచ్చు, కానీ ఈ శస్త్రచికిత్స చేయించుకున్న కొంతమందిలో హైపోథైరాయిడిజం అభివృద్ధి అవుతుంది. మొత్తం థైరాయిడ్ ను తొలగించడం ఎల్లప్పుడూ హైపోథైరాయిడిజంకు దారితీస్తుంది.

థైరాయిడ్ యొక్క ఒక భాగం లేదా మొత్తం థైరాయిడ్ ను ఈ క్రింది వాటికి ఒక చికిత్సగా శస్త్రచికిత్సతో తొలగించవచ్చు

  • హైపర్ థైరాయిడిజం
  • ఒక పెద్ద కణితి, అది మెడ వాచినట్లు కనిపించడానికి కారణమవగల మరియు సాధారణ శ్వాసక్రియలో మరియు మింగడానికి అడ్డుపడే ఒక వ్యాకోచించిన థైరాయిడ్
  • థైరాయిడ్ నోడ్యుల్స్, అవి అదనపు థైరాయిడ్ హార్మోన్ ఉత్పత్తి చేయగల,అడెనోమాలు లేదా థైరాయిడ్ లో గడ్డలూ అని పిలువబడే కాన్సర్ కాని కణితులు
  • థైరాయిడ్ క్యాన్సర్

థైరాయిడ్ యొక్క రేడియేషన్ చికిత్స

హైపర్ థైరాయిడిజం కొరకు ఒక సాధారణ చికిత్స అయిన రేడియోధార్మిక అయోడిన్, క్రమంగా థైరాయిడ్ కణాలను నిర్మూలిస్తుంది. రేడియోధార్మిక అయోడిన్ చికిత్స పొందే చాలా మందిలో చివరికి హైపోథైరాయిడిజం అభివృద్ధి అవుతుంది. హాడ్జికిన్స్ వ్యాధి, ఇతర లింఫోమాలు, మరియు తల మరియు మెడ క్యాన్సర్లు కలిగిన వ్యక్తులకు రేడియేషన్ తో చికిత్స చేస్తారు, అది కూడా థైరాయిడ్ ను నష్టపర్చగలదు.

మందులు

ఈ క్రింది వాటితో సహా కొన్ని మందులు థైరాయిడ్ హార్మోన్ ఉత్పత్తిలో జోక్యం చేసుకోగలవు మరియు  థైరాయిడ్ కు దారితీస్తాయి

  • అమియోడారోన్, ఒక గుండె మందు
  • ఇంటర్ఫెరాన్ ఆల్ఫా, కేన్సర్ మందు
  • లిథియం, ఒక బైపోలార్ డిజార్డర్ మందు
  • ఇంటర్ల్యూకిన్ 2, మూత్రపిండాల క్యాన్సర్ మందు

హైపోథైరాయిడిజం యొక్క లక్షణాలు ఏమిటి?

హైపోథైరాయిడిజం వ్యక్తి నుండి వ్యక్తికి మారే అనేక లక్షణాలను కలిగి ఉంటుంది. హైపో థైరాయిడిజం యొక్క కొన్ని సాధారణ లక్షణాలు

  • అలసట
  • బరువు పెరుగుట
  • ఒక బోద ముఖం
  • చల్లనివి సరిపడక పోవడం
  • కీళ్ళు మరియు కండరాల నొప్పి
  • మలబద్ధకం
  • పొడి బారిన చర్మం
  • పొడిగా మారే, పల్చబడే జుట్టు
  • చెమట పట్టడం తగ్గడం
  • భారీ లేదా క్రమం తప్పిన ఋతు చక్రాలు మరియు బలహీనమైన సంతానోత్పత్తి
  • మాంద్యం
  • మందగించిన గుండె రేటు

అయితే, హైపోథైరాయిడిజం నెమ్మదిగా అభివృద్ధి అవుతుంది, చాలా మంది వ్యాధి లక్షణాలను గమనించరు.

హషిమోతో’స్ వ్యాధికి మరింత ప్రత్యేక లక్షణాలు- ఒక కణితి మరియు గొంతులో ఒక నిండిన అనుభూతి.

హైపోథైరాయిడిజం అధిక కొలెస్ట్రాల్ కు దోహద పడుతుంది, కాబట్టి అధిక కొలెస్ట్రాల్ తో వుండే వారు హైపోథైరాయిడిజం కొరకు పరీక్ష చేయించుకోవాలి. అరుదుగా, తీవ్రమైన, చికిత్స చేయని హైపోథైరాయిడిజం, హైపోథైరాయిడిజం యొక్క ఒక తీవ్ర రూపమైన మిక్సిడీమా కోమాకు దారితీయవచ్చు, దీనిలో అది ప్రాణాంతకమయ్యే వరకు శరీరం యొక్క విధులు నెమ్మదిస్తాయి. మిక్సిడీమాకు తక్షణ వైద్య చికిత్స అవసరమవుతుంది.

ఎవరిలో హైపోథైరాయిడిజం అభివృద్ధి చెందే అవకాశం ఉంది?

పురుషుల కంటే మహిళలలో హైపోథైరాయిడిజం అభివృద్ధి అయ్యే అవకాశం చాలా ఎక్కువగా ఉంటుంది. 60 సంవత్సరాలు పైబడిన వయస్సు వున్న వారిలో కూడా ఈ వ్యాధి చాలా సాధారణం.

కొన్ని కారకాలు థైరాయిడ్ వ్యాధులు అభివృద్ధి అయ్యే అవకాశాలను పెంచవచ్చు. ప్రజలకు మరింత క్రమం తప్పని టెస్టింగ్ అవసరం ఉండవచ్చు, ఒకవేళ వారు

  • ఇంతకు ముందు కణితి వంటి ఒక థైరాయిడ్ సమస్యను కలిగి ఉండింటే
  • ఒక థైరాయిడ్ సమస్య సరి చేయడానికి శస్త్రచికిత్స చేయించుకొనింటే
  • థైరాయిడ్, మెడ, లేదా ఛాతీకి రేడియేషన్ ను తీసుకొనింటే
  • థైరాయిడ్ వ్యాధి గల కుటుంబ చరిత్రను కలిగి వుంటే
  • ఈ క్రింది వాటితో సహా, ఇతర స్వయం ప్రతిరక్షక వ్యాధులను కలిగి వుంటే
  • పొడి బారిన కళ్ళు మరియు నోటితో వర్గీకరించబడే జగ్రెన్స్ సిండ్రోమ్
  • అతిహానికరమైన రక్తహీనత, విటమిన్ బి 12 లోపం
  • టైప్ 1 మధుమేహం
  • రుమటాయిడ్ ఆర్థరైటిస్
  • లూపస్, ఒక దీర్ఘకాలిక శోథ పరిస్థితి
  • ఆడవారిని ప్రభావితం చేసే ఒక జన్యుపర రుగ్మత అయిన టర్నర్ సిండ్రోమ్ ను కలిగి వుంటే
  • 60 కంటే పైబడిన వయసు కలవారైతే
  • గర్భిణీగా ఉంటే లేదా గత 6 నెలల్లో శిశువుకు జన్మినిచ్చి వుంటే

ప్రజలు థైరాయిడ్ సమస్యలను -ముఖ్యంగా ఉప రోగసంబంధ సమస్యలు-వెలికితీయడంలో సహాయం చేయడానికి తరచూ పరీక్షలు చేయించుకోవాలి. ఉప రోగసంబంధ అంటే ఒక వ్యక్తి స్పష్టమైన లక్షణాలను కలిగి ఉండడు అని అర్థం.

గర్భం మరియు థైరాయిడ్ పరిస్థితులతో ఏం జరుగుతుంది?

హైపోథైరాయిడిజం. గర్భధారణ సమయంలో, హైపోథైరాయిడిజం సాధారణంగా హషిమోతో’స్ వ్యాధి వలన కలుగుతుంది మరియు ప్రతి 1,000 గర్భాలలో మూడు నుంచి ఐదింటిలో సంభవిస్తుంది.

అనియంత్రిత హైపోథైరాయిడిజం గర్భస్రావం, ముందస్తు డెలివరీ మరియు ఆలస్య గర్భధారణ సమయంలో రక్తపోటులో ఒక ప్రమాదకరమైన పెరుగుదల అయిన ప్రీఎక్లంప్సియా యొక్క అవకాశాన్ని పెంచుతుంది.

గర్భధారణ సమయంలో చికిత్స చేయని హైపోథైరాయిడిజం శిశువు యొక్క పెరుగుదల మరియు మెదడు అభివృద్ధిని కూడా ప్రభావితం చేయవచ్చు. థైరాయిడ్ మందులు ఈ సమస్యలను నిరోధించడానికి సహాయపడగలవు మరియు గర్భధారణ సమయంలో తీసుకోవటానికి సురక్షితమైనవి. హైపోథైరాయిడిజం ఉన్న స్త్రీలు గర్భవతి అయ్యే ముందు వారి వైద్యుడితో తమ పరిస్థితి గురించి చర్చించాలి.

పోస్ట్ పార్టం థైరాయిడైటిస్. థైరాయిడ్ గ్రంథి యొక్క ఈ వాపు, జన్మనిచ్చిన తర్వాత మొదటి సంవత్సరంలో దాదాపు 4 నుండి 9 శాతం మహిళలను ప్రభావితం చేస్తుంది. పోస్ట్ పార్టం థైరాయిడైటిస్ ఒక స్వయం ప్రతిరక్షక పరిస్థితిగా నమ్మబడుతున్నది మరియు సాధారణంగా 1 నుండి 2 నెలలపాటు కొనసాగే హైపర్ థైరాయిడిజం ను కలిగిస్తుంది.

పోస్ట్ పార్టం థైరాయిడిటిస్ కలిగిన మహిళలలో తరచుగా థైరాయిడ్ గ్రంధి పూర్తిగా నయం కావడానికి ముందుగా హైపోథైరాయిడిజం అభివృద్ధి అవుతుంది.

ఈ లక్షణాలను కొన్నిసార్లు డెలివరీ తర్వాత వచ్చే అలసట మరియు మూడీనెస్ వంటి పోస్ట్ పార్టం బ్లూస్ అని పొరపాటు పడడం వలన పోస్ట్ పార్టం థైరాయిడైటిస్ కొన్నిసార్లు నిర్థారించకుండానే వెళ్ళిపోతుంది. అలసట మరియు బద్ధకం యొక్క లక్షణాలు కొన్ని నెలల్లో వెళ్ళకపోతే లేదా ఒక మహిళలో పోస్ట్ పార్టం  డిప్రెషన్ అభివృద్ధి అయితే ఆమె తన డాక్టర్ తో మాట్లాడాలి. హైపో థైరాయిడిజం లక్షణాలు ఇబ్బందికరంగా ఉంటే, థైరాయిడ్ మందులు ఇవ్వవచ్చు.

హైపోథైరాయిడిజం ఎలా నిర్ధారణ చేయబడుతుంది?

హైపోథైరాయిడిజం యొక్క అనేక లక్షణాలు ఇతర వ్యాధుల మాదిరిగానే ఉంటాయి, కాబట్టి కేవలం లక్షణాల మీద ఆధారపడి హైపోథైరాయిడిజం ను నిర్దారించడం సాధారణంగా సాధ్యపడదు. అనుమానిత హైపోథైరాడిజంతో, వైద్యులు ఒక వైద్య చరిత్రను తీసుకొని పరిపూర్ణ శారీరక పరీక్షను నిర్వహిస్తారు. అప్పుడు వైద్యులు హైపోథైరాయిడిజం ను నిర్ధారించుటకు మరియు దాని కారణాన్ని కనుగొనేందుకు అనేక రక్త పరీక్షలు ఉపయోగించవచ్చు:

TSH పరీక్ష. అల్ట్రాసెన్సిటివ్ TSH పరీక్ష సాధారణంగా డాక్టర్ చేసే మొదటి పరీక్ష. ఈ పరీక్ష రక్తంలోని TSH యొక్క చిన్న పరిమాణాలను కూడా గుర్తిస్తుంది మరియు ఇది అందుబాటులో ఉన్న థైరాయిడ్ కార్యకలాపం యొక్క అత్యంత ఖచ్చితమైన కొలత. సాధారణంగా, మామూలు కంటే ఎక్కువ వుండే ఒక TSH రీడింగ్ అంటే ఒక వ్యక్తికి హైపోథైరాయిడిజం ఉంది అని అర్థం మరియు మామూలు కంటే తక్కువ వుండే ఒక రీడింగ్ అంటే ఒక వ్యక్తికి హైపర్ థైరాయిడిజం ఉంది అని అర్థం.

స్వల్పంగా పెరిగిన లక్షణాలు లేని TSH ఉపరోగసంబంధ హైపో థైరాయిడిజంను సూచిస్తుంది. కొంతమంది వైద్యులు ఉపరోగసంబంధ హైపో థైరాయిడిజంకు తక్షణమే చికిత్స చేస్తారు. ఇతరులు దీనిని చికిత్స చేయకుండా విడిచిపెట్టటానికి ఇష్టపడతారు కానీ పరిస్థితి తీవ్రమవుతున్నప్పుడు సంకేతాల కొరకు తమ రోగులకు పర్యవేక్షిస్తారు.

వైద్యులు హైపోథైరాయిడిజం యొక్క నిర్ధారణను ధృవపరచుకోవడంలో లేదా కారణాన్ని గుర్తించడంలో సహాయం చేయడానికి అదనపు పరీక్షలు నిర్వహించవచ్చు.

T4 పరీక్ష. ఈ పరీక్ష రక్తంలోని తిరిగే థైరాయిడ్ హార్మోన్ యొక్క వాస్తవిక పరిమాణాన్ని కొలుస్తుంది. హైపోథైరాయిడిజంలో రక్తంలోని T4 యొక్క స్థాయి సాధారణ స్థాయి కంటే తక్కువగా ఉంటుంది.

థైరాయిడ్ ఆటోయాంటీబాడీ పరీక్ష. ఈ పరీక్ష థైరాయిడ్ ప్రతిరక్షకాల యొక్క ఉనికి కోసం చూస్తుంది. హషిమోతో’స్ వ్యాధి కలిగిన చాలా మంది ఈ ప్రతిరక్షకాలను కలిగి వుంటారు, కానీ తమ హైపోథైరాయిడిజం  ఇతర పరిస్థితుల వలన కలిగిన వారు వాటిని కలిగి వుండరు.

హైపోథైరాయిడిజంకు ఎలా చికిత్స చేస్తారు?

వైద్యులు కృత్రిమ థైరాక్సిన్ తో హైపోథైరాయిడిజంకు చికిత్స చేస్తారు; హార్మోన్ T4 తో సారూప్యత గల ఒక మందు. ఖచ్చితమైన మోతాదు రోగి యొక్క వయస్సు మరియు బరువు, హైపోథైరాయిడిజం యొక్క తీవ్రత, ఇతర ఆరోగ్య సమస్యలు ఉండటం, మరియు ఆ వ్యక్తి, శరీరం థైరాయిడ్ హార్మోన్ ను ఎంత బాగా ఉపయోగిస్తుంది అనే దానిలో జోక్యం చేసుకోగల ఇతర మందులను తీసుకుంటున్నాడా అనే దాని మీద ఆధారపడి ఉంటుంది.

రోగి థైరాయిడ్ హార్మోన్ ను తీసుకోవడం మొదలు పెట్టిన మరియు మోతాదుకు ఏవైనా అవసరమైన సర్దుబాట్లు చేసిన 6 నుండి 8 వారాల తరువాత వైద్యులు TSH స్థాయిలను పరీక్షిస్తారు. మోతాదు సర్దుబాటు చేయబడిన ప్రతిసారీ, రక్తాన్ని మళ్ళీ పరీక్షిస్తారు. ఒకసారి ఒక స్థిరమైన మోతాదుకు చేరుకున్న తరువాత, రక్త పరీక్షలు సాధారణంగా 6 నెలలలో ఆపై సంవత్సరానికి ఒకసారి పునరావృతం చేయబడతాయి.

ఆదేశించిన ప్రకారం సిఫార్సు చేయబడిన మోతాదును ప్రతి రోజు తీసుకున్నంత కాలం, హైపోథైరాయిడిజంను సింథటిక్ థైరాక్సిన్ తో దాదాపు ఎల్లప్పుడూ పూర్తిగా నియంత్రించవచ్చు.

తినడం, డైట్, మరియు న్యూట్రిషన్ 

చాలా పోషకాలను పొందటానికి ప్రజలు సమతుల్య ఆహారం తినాలి అని నిపుణులు సిఫారసు చేస్తారు.

ఆహార అనుబంధములు (డయటరీ సప్లిమెంట్స్)

అయోడిన్ థైరాయిడ్ కోసం అవసరమైన ఒక ఖనిజం. అయితే, ఆటో ఇమ్యూన్ థైరాయిడ్ వ్యాధి కలిగిన ప్రజలు అయోడిన్ యొక్క హానికరమైన దుష్ప్రభావాలకు సున్నితంగా ఉండవచ్చు. అయోడిన్ డ్రాప్స్ తీసుకోవడం లేదా సీవీడ్, డల్స్ లేదా కెల్ప్ వంటి పెద్ద మొత్తంలో అయోడిన్ ను కలిగి ఉండే ఆహారాలను తినడం అనేవి హైపోథైరాయిడిజం లేదా హైపర్ థైరాయిడిజంను కలిగించవచ్చు లేదా మరింత తీవ్రం చేయవచ్చు.

మహిళలు గర్భవతిగా ఉన్నప్పుడు ఎక్కువ అయోడిన్ అవసరం-ఒక రోజుకు దాదాపు  250 మైక్రోగ్రాములు-ఎందుకంటే బిడ్డ తల్లి ఆహారం నుండి అయోడిన్ ను పొందుతుంది. యునైటెడ్ స్టేట్స్ లో, గర్భిణీ స్త్రీలలో దాదాపు 7 శాతం మంది తమ ఆహారంలో లేదా ప్రినేటల్ విటమిన్లు ద్వారా తగినంత అయోడిన్ ను పొందకపోవచ్చు. సాదా ఉప్పు కంటే అయోడిన్ ఉప్పు-అయోడిన్ అనుబంధంగా వుండే ఉప్పు- ను ఎంచుకోవడం మరియు అయోడిన్ కలిగిన ప్రినేటల్ విటమిన్లను ఎంచుకోవడం అనేది ఈ అవసరం తీరేలా చూస్తుంది.

సమన్వయం మరియు సురక్షిత సంరక్షణను నిర్ధారించడంలో సహాయపడటానికి, అయోడిన్ వంటి ఆహార అనుబంధాల యొక్క తమ వాడకము గురించి ప్రజలు వారి డాక్టర్ తో చర్చించాలి.

గుర్తుంచుకోవలసిన పాయింట్లు

  • హైపోథైరాయిడిజం అనేది థైరాయిడ్ గ్రంధి శరీరం యొక్క అవసరాలను తీర్చేందుకు తగినంత థైరాయిడ్ హార్మోన్ ను తయారు చేయనప్పుడు వచ్చే ఒక రుగ్మత. థైరాయిడ్ హార్మోన్ జీవక్రియను క్రమబద్దీకరిస్తుంది. తగినంత థైరాయిడ్ హార్మోన్ లేకుండా, శరీరం యొక్క అనేక విధులు మందగిస్తాయి.
  • హైపోథైరాయిడిజంకు ఈ క్రింది వాటితో సహా పలు కారణాలు ఉన్నాయి,
  • హషిమోతో’స్ వ్యాధి
  • థైరాయిటైస్, లేదా థైరాయిడ్ యొక్క వాపు
  • కంజెనిటల్ హైపోథైరాయిడిజం, లేదా పుట్టుకతో వచ్చే హైపోథైరాయిడిజం
  • శస్త్రచికిత్స ద్వారా థైరాయిడ్ యొక్క ఒక భాగం లేదా మొత్తం థైరాయిడ్ తొలగింపు
  • థైరాయిడ్ యొక్క రేడియేషన్ చికిత్స
  • కొన్ని మందులు
  • హైపోథైరాయిడిజం వ్యక్తి నుండి వ్యక్తికి మారే అనేక లక్షణాలను కలిగి ఉంటుంది. హైపో థైరాయిడిజం యొక్క కొన్ని సాధారణ లక్షణాలు అలసట, బరువు పెరుగుట, చల్లనివి సరిపడక పోవడం, మలబద్ధకం, బలహీనమైన సంతానోత్పత్తి, మరియు మాంద్యం.
  • పురుషుల కంటే మహిళలలో హైపోథైరాయిడిజం అభివృద్ధి అయ్యే అవకాశం చాలా ఎక్కువగా ఉంటుంది.
  • హైపోథైరాయిడిజం ఉన్న స్త్రీలు గర్భవతి అయ్యే ముందు వారి వైద్యుడితో తమ పరిస్థితి గురించి చర్చించాలి.
  • ఆదేశించిన ప్రకారం సిఫార్సు చేయబడిన మోతాదును ప్రతి రోజు తీసుకున్నంత కాలం, హైపోథైరాయిడిజంను సింథటిక్ థైరాక్సిన్ తో దాదాపు ఎల్లప్పుడూ పూర్తిగా నియంత్రించవచ్చు.

తిరిగి షుగర్ వ్యాధి గైడ్కు